راولپنڈی : ایل او سی پربھارتی فوج کی بلااشتعال فائرنگ،دوپاکستانی فوجی زخمی ،جوابی وارہندوپار،اطلاعات کے مطابق لائن آف کنٹرول پر بھارتی فوج کی بلا اشتعال فائرنگ سےدو آفیسرزخمی ہو گئے۔
ڈی جی آئی ایس پی آر کے مطابق بھارتی فوج نے رکھ چکری، راولاکوٹ سیکٹر میں بلا اشتعال فائرنگ کی۔بھارتی فوج نے پاک فوج کی پوسٹ پر مارٹر راونڈ فائر کیئے۔ڈی جی آئی ایس پی آر کے مطابق پاک فوج نے بھارتی فائرنگ کا موثرجواب دیا ۔اس سخت جوابی وار میں بھارتی فوج کو جانی نقصان ہوا
واضح رہے کہ اس سے قبل بھی گزشتہ ہفتے بھارت کی جانب سے ایل او سی بگسر سیکٹر پر بلااشتعال فائرنگ کی گئی۔آئی ایس پی آر کے مطابق بھارتی فوجیوں نےبگسرسیکٹرپرشہری آبادی کو نشانہ بنایا تھا ، جس کے نتیجے میں خواتین سمیت 3 افراد زخمی ہوگئے تھے
