انڈونیشین طیارہ پاکستان اور پی آئی اے طیارے وہاں، مزاکرات مکمل

انڈونیشیا میں پھنسے پاکستان انٹرنیشنل ائیرلائن نے دو طیاروں کو واپس لانے کیلئے مذاکرات مکمل کرلیئے ہیں اور کراچی میں موجود انڈونیشیا کا طیارہ ڈھائی ماہ سے مرمت کا منتظر بتایا جارہا ہے جبکہ میڈیا رپورٹ کے مطابق پی آئی اے انجینئرنگ ہینگر میں موجود انڈونیشیا کے طیارے کیلئے بیرون ملک سے انجن کراچی ابھی پہنچنا ہ باقی ہے تاکہ اسے مرمت کرکے واپس بھیجا جائے.

صحافی افضل ندیم ڈوگر کے مطابق گرودا انڈونیشیا انٹرنیشنل ائیر لائن کا اے ٹی آر 600-72 طیارہ 26 جولائی کو کراچی پہنچا تھا اور رجسٹریشن پی کے جی اے ڈی کا حامل طیارہ ری فیولنگ کیلئے کراچی اترا تھا اور متحدہ عرب امارات جانے کیلئے ٹیک آف سے قبل طیارے کے انجن میں فنی خرابی آگئی تھی جس کے بعد وہ اڑان نہ بھر سکا تھا. خیال رہے کہ طیارے نے 19 اگست کو صبح 10 بجکر 25 منٹ پر کراچی ائیرپورٹ سے ٹیسٹ فلائٹ بھی کی تھیجبکہ 21 منٹ کی ٹیسٹ پرواز کے بعد انجن میں خرابی کے باعث طیارہ واپس کراچی اتر گیا تھا کیونکہ اڑان میں خرابی آرہی تھی، 9 سال پرانے طیارے کو کراچی چھوڑ کر عملے کے ارکان انڈونیشیا چلے گئے تھے.

جبکہ پچاس دن تک کراچی ائیر پورٹ رن وے پر موجود طیارے کو متعلقہ ائیرلائن کی درخواست پر پی آئی اے ہینگر منتقل کردیا گیا ہے اور پی آئی اے ذرائع کے مطابق طیارے کا بائیاں انجن ناقابل مرمت ہے، اور متعلقہ کمپنی سے متبادل انجن کی کراچی آمد اور تنصیب پر ہی طیارہ ممکنہ اڑان کے قابل ہوسکے گا، اور طیارے کی پی آئی اے ہینگر میں موجودگی سے متعلقہ چارجز بھی وصول کیے جائیں گے تاہم دوسری طرف انڈونیشیا میں پھنسے پی آئی اے کے دو طیاروں سے متعلق ملائیشیا میں ہوئے مذاکرات میں پیشرفت ہوگئی ہے، اور بہت جلد دونوں ائیر بس طیارے پی آئی اے کے بیڑے میں شامل ہو جائیں گے۔
مزید یہ بھی پڑھیں؛
انڈونیشین طیارہ پاکستان اور پی آئی اے طیارے وہاں، مزاکرات مکمل
ورلڈ کپ کا کانٹے دار مقابلہ، مودی کے لئے سب سے بڑا سبق
مجھے لگتا ہے کہ ہر سال مجھے ایوارڈ ملنا چاہیے آمنہ الیاس
واضح رہے کہ پی آئی اے اور متعلقہ لیزنگ کمپنی کے درمیان طیاروں کا معاملہ حل کرنے پر اتفاق کرلیا گیا ہے اور اب سیکریٹری ایوی ایشن کی سربراہی میں پی آئی اے کے سی ای او سمیت 7 رکنی وفد ملائیشیا میں مذاکرات کیلئے گیا تھا جہاں انہوں نے کامیاب مزاکرات کرلئے ہیں.