انڈونیشیا جیل میں آگ لگنے سے 41 افراد ہلاک، درجنوں جھلس گئے،8 کی حالت تشویشناک

جکارتہ: انڈونیشیا کی جیل میں آگ بھڑکنے سے 41 افراد ہلاک ہو گئے ہیں۔

باغی ٹی وی : غیر ملکی میڈیا کے مطابق انتظامیہ کا کہنا ہے کہ آگ 1 بجے سے 2 بجے کے درمیان ٹینگرنگ جیل کے بلاک C میں لگی، جس پر قابو پا لیا گیا ہے بلاک میں قیدیوں کو منشیات سے متعلق جرائم کے لیے رکھا گیا تھا –

بلاک میں 122 افراد کی گنجائش تھی تاہم اس بات کی تصدیق نہیں ہوئی ہے کہ آگ لگنے کے وقت وہاں کتنے افراد موجود تھے سرکاری اعداد و شمار کے مطابق ٹینگرنگ جیل میں 2 ہزار سے زائد قیدی تھے جب کے اس کی گنجائش 600 سے کہیں زیادہ ہے۔

جیل میں آگ لگنے سے 72قیدی جھلس گئے جن میں سے 8کی حالت تشویشناک ہے، جیل میں آگ کیسے لگی وجہ تاحال معلوم نہیں ہوسکی تاہم ابتدائی تحقیقات جاری ہیں

خدشہ ظاہر کیا جا رہا ہے کہ جیل میں آگ شارٹ سرکٹ کی وجہ سے لگی۔ فائر ڈیپارٹمنٹ کے تفتیش کاروں کا کہنا ہے کہ وہ وائرنگ کو دیکھ رہے ہیں جس سے شبہ ہے کہ آگ بھڑک اٹھی۔

زخمی ہونے والے افراد کو مقامی اسپتالوں میں لے جایا گیا تھا جبکہ بہتر حالت والے قیدیوں کو کو جیل کمپلیکس کے اندر طبی سہولیات دی جا رہی ہیں۔