اسلام آباد :بھارت کا کرتارپور پر دہشت گرد حملے کی منصوبہ بندی کا انکشاف،پاکستانی اداروں نے ناکام بنا دیا ،اطلاعات کےمطابق بھارت کی جانب سے کرتارپور پر دہشت گرد حملے کی منصوبہ بندی کا انکشاف ہوا ، این ڈی ایس اور را سکھوں کے مقدس مقام پر دہشت گردی کا منصوبہ بنارہی تھی۔جسے پاکستانی خفیہ اداروں نے ناکام بنا دیا
تفصیلات کے مطابق پاکستان کی خفیہ ایجنسی آئی ایس آئی نے حسب روایت پاکستان کے ازلی دشمن کی پاکستان کے خلاف ایک خطرناک سازش کا پتہ لگاتے ہوئے کرتارپورراہداری کی افتتاحی تقریب پردہشت گردی کی کارروائی کوناکام بنایااورافتتاحی تقریب کا یہ سارا عمل امن و امان سے تکمیل تک پہنچا
باغی ٹی وی کےمطابق پاکستانی خفیہ اداروں نے بھارت کی طرف سے اس سازش میں شریک کرداروں این ڈی ایس اور را کے گھناؤنے عزائم کا سراغ لگا لیا۔ذرائع کا کہنا ہے کہ این ڈی ایس اور را سکھوں کے مقدس مقام کرتارپور پر دہشت گردی کرانے کامنصوبہ بنارہےتھے۔
کرتارپورراہداری کوبھارتی دہشت گردی کے حملوں سے محفوظ رکھنے کے حوالے سے دفاعی تجزیہ کار حارث نواز کا کہنا ہے را اور این ڈی ایس کا گٹھ جوڑ ہے لیکن ہماری ایجینسیاں دنیا کی بہترین ایجنسیاں ہیں، انہوں نےدہشت گردی کےمنصوبے کو پہلے ہی بے نقاب کردیا۔دفاعی تجزیہ کار اعجازاعوان نے کہا بھارت نہیں چاہتا سکھ برادری اور پاکستانیوں کے تعلقات اچھے ہوں، را اور این ڈی ایس سکھ برادری اور پاکستانیوں کے درمیان دراڑ ڈالنا چاہتی ہے۔
خیال رہے گذشتہ سال9 نومبر کو وزیر اعظم عمران خان نے کرتارپور راہداری کا افتتاح کیا تھا ، تقریب سے خطاب کرتے ہوئے کہا تھا کہ راہداری کھولنے کی مجھے بہت خوشی ہوئی، اندازہ نہیں تھا کرتارپورکی سکھ کمیونٹی میں کیا اہمیت تھی، کرتارپور سے متعلق ایک سال پہلے پتہ چلا اس کی کیا اہمیت ہے۔
یہ بھی معلوم ہوا ہےکہ پاکستانی خفیہ ایجنسیوں کے پاس بہت سی معلومات ہیں .لیکن فی الحال یہ ہی انکشاف کیا گیا ہے کہ بھارتی خفیہ ایجنسی را اورافغان خفیہ ایجنسی این ڈی ایس کے لوگ اس کھیل کوانجام تک پہنچانے کےلیے پاکستان آئے
