انشا اللہ آئندہ حکومت پیپلز پارٹی کی ہو گی،آصف زرداری کا بڑا دعوی

پاکستان پیپلز پارٹی کے شریک چیئر مین اور سابق صدر آصف علی زرداری نے کہا ہے کہ حکومت کرنے کا موقع ملا تو پاکستان کو 110ڈگری بدلوں گا۔

سابق صدر آصف زرداری نے لاہور میں بلاول ہاؤس میں پیپلزپارٹی کے عہدیداروں اورکارکنوں سے ملاقات کی۔ ملاقات میں رانا فاروق سعید، ثمینہ گھرکی، اسلم گل، اسرار الحق بٹ، چودھری اشرف، فیصل میر، حاجی عزیز الرحمن چن، افنان صادق بٹ، رانا جمیل منج ،تنویر اشرف کائرہ، علامہ یوسف اعوان، صدر ڈسٹرکٹ تھری عاطف رفیق، امجد جٹ، حافظ غلام محی الدین، انجم بٹ، اشرف بارا، اسلم گڑا، نسیم صابر، مدثر شاکر، مانی پہلوان، صداقت شیروانی، ایڈون سہوترا، روبینہ سہیل بٹ، نادیہ شاہ اور دیگر بھی موجود تھے۔

سابق صدر مملکت آصف زرداری نے کہا کہ وعدہ کرتا ہوں انشا اللہ آئندہ حکومت پیپلز پارٹی کی ہو گی، پورا شیئر لیں گے، اب پنجاب میں بیٹھوں گا اور سب سے ملکر کام کروں گا۔انہوں نے کہا کہ پیپلز پارٹی نے ہمیشہ مشکل وقت میں پاکستان کو بچایا۔ جب تک پیپلز پارٹی موجود ہے پاکستان ہر قسم کے معاشی اور سیاسی بحران کا حل نکالتی رہے گی.پیپلز پارٹی کو پاکستان کے آج کے اور آنے والے وقت کے مسائل کا ادراک ہے اور ان کو حل کرنے کے لئے پیپلز پارٹی مکمل صلاحیت رکھتی ہے۔

انہوں نے کہاکہ یہ کہنا پنجاب اور گلگت بلتستان میں پیپلز پارٹی ختم ہو گئی ہے، سفید جھوٹ ہے، ہم نے اپنی سیاست کمزور کر کے پاکستان بچانے کی کوشش کی، انوکھے لاڈلے کی چار سالہ پالیسیوں کے باعث آج مہنگائی ہے، یہ ہماری کب سنتے ہیں، جب ضرورت پڑتی ہے تب سنتے ہیں، کارکنوں کو بحریہ ٹاؤن آنے میں مشکل ہوتی ہے، گلبرگ شفٹ ہو رہا ہوں، پنجاب میں بیٹھنا اور کارکنوں کو عزت دینی ہے۔ لوگوں کو پتہ چلنا چاہیے پیپلز پارٹی کا صدر گلبرگ میں بیٹھا ہے۔ اشرف بارا کو پیپلز پارٹی میں شمولیت پر مبارکباد پیش کرتا ہوں۔

پیپلز پارٹی وویمن ونگ پنجاب کی صدر ثمینہ گھرکی نے کہا کہ آصف زرداری کو لاہور میں خوش آمدید کہتے ہیں۔صدر ڈسٹرکٹ تھری عاطف رفیق چودھری نے کہا کہ ہماری 60فیصد تنظیمیں مکمل ہیں باقیماندہ جلد کر لینگے۔،امجد جٹ نے کہا کہ،اشرف بارا کی پیپلز پارٹی میں شمولیت سے پارٹی اور مضبوط ہو گی،
،اشرف بھٹی،محمد نزیر ،یاسر بارا،فہیم ٹھاکر، راو شجاعت، منیر ڈگرہ کا آصف علی زرداری کو خراج تحسین پیش کرتے ہوئے کہا کہ دنیا مان گئی ہے کہ آپ سیاست کے سید ہیں ۔