لاہور میں انسداد دہشت گردی کی عدالت کے باہر سے پولیس نے 10 مسلح افراد کو گرفتار کر لیا ہے

لاہور ائیر پورٹ پر فائرنگ، اسلحہ کیسے پہنچا، ملزم نے کیا انکشاف

باغی ٹی وی کی رپورٹ کے مطابق لاہور میں انسداد دہشت گردی کی عدالت کے باہر سے پولیس نے دس مسلح افراد کو گرفتار کر لیا جو عدالت میں داخل ہونا چاہتے تھے، ملزمان کے قبضہ سے اسلحہ برآمد ہوا ہے. پولیس کے مطابق 3مسلح افرادپارکنگ میں کھڑے تھے جبکہ 7 عدالت میں داخل ہونے کی کوشش کررہے تھے.

لاہور ائیرپورٹ پر فائرنگ، دو افراد بحق، خوف و ہراس

مسلح ملزمان کی گرفتاری سپیشل برانچ کی اطلاع پر ہوئی، ملزمان عدالت کے اندر جانا چاہتے تھے، پولیس نے دوران تلاشی سب ملزمان سے اسلحہ برآماد کر لیا،ملزمان کو ریس کورس پولیس اسٹیشن کے حوالے کردیا گیا.

گرفتار ہونے والے افراد رنگ محل قتل اور بھاٹی قتل کیس میں پیشی کے لئے آئے تھے، ملزمان تھانہ بھاٹی میں درج 318/18 قتل کے کیس کی پیروی کے لئے آئے تھے، ملزمان میں محمود، ارشد اور ولید سمیت 10 ملزمان شامل ہیں۔ پولیس کی ابتدائی تفتیش کے مطابق ملزمان کا تعلق اندرون شہر سے ہے اور ملزم پر حملہ کی منصوبہ کر رہے تھے۔

واضح رہے کہ گزشتہ روز ائیر پورٹ پر فائرنگ کے واقعہ کے بعد اہم مقامات کی سیکورٹی سخت کر دی گئی ہے،