انٹرنیٹ کا بڑا حصہ ختم ہو رہا ہے،تحقیق

واشنگٹن: ایک نئی تحقیق میں بات سامنے آئی ہے کہ انٹرنیٹ پر موجود ویب پیچ اور آن لائن کونٹینٹ غائب ہو رہا ہے۔

باغی ٹی وی : برطانوی خبررساں ادارے "دی اینڈیپینڈنٹ” نے اپنی رپورٹ میں تازہ ترین تحقیق کے حوالے سےبتایا کہ ویب کو اکثر ایسی جگہ سمجھا جاتا ہے جہاں کونٹینٹ ہمیشہ رہتا ہے، لیکن پیچز کے ڈیلیٹ یا ہٹا دئیے جانے کی وجہ سے انٹرنیٹ کا بڑا حصہ ختم ہو رہا ہے،مثال کے طور پر انٹرنیٹ پر 2013 میں جتنے ویب پیجز تھے ان کا 38 فی صد حصہ غائب ہو چکا ہے، یہاں تک کہ نئے ویب پیجز بھی غائب ہوتے جا رہے ہیں، 2028 میں موجود ویب پیجز کا آٹھ فی صد حصہ اب دستیاب نہیں ہے۔

تحقیق کے مطابق اس کا مطلب ہے کہ انٹرنیٹ پر موجود بھاری مقدار میں خبریں اور اہم حوالہ جات غائب ہو رہے ہیں۔ 23 فی صد کے قریب نیوز پیچز اور 21 فی صد حکومتی ویب سائٹس میں کم از کم ایک ناکارہ لنک ہوتا ہے جبکہ 54 فی صد وکی پیڈیا پیجز کے حوالوں میں ایک لنک ایسا ہوتا ہے جو وجود ہی نہیں رکھتا ایسا ہی کچھ سوشل میڈیا پلیٹ فارمز کے ساتھ ہو بھی ہو رہا ہے 20 فی صد ٹویٹس ایکس پر پوسٹ کیے جانے کے بعد چند مہینوں میں غائب ہو جاتی ہیں۔

صدر ابراہیم رئیسی کے ہیلی کاپٹر حادثے کی ایک وجہ امریکی پابندیاں قرار

واشنگٹن میں قائم پیو ریسرچ سینٹر میں کی جانے والی اس تحقیق میں تقریباً 10 لاکھ ویب پیچز کے نمونوں کو اکٹھا کیا گیا، جو کامن کرول سے لیا گیا، جو کہ انٹرنیٹ کے حصوں کو آرکیز کرتی ہے، اور دیکھا گیا کہ آیا یہ پیجز 2013 سے 2023 کے درمیان وجود رکھتے تھے یا نہیں، پایا کہ 2013 اور 2023 کے درمیان جمع کیے گئے تمام صفحات میں سے 25 فیصد اب دستیاب نہیں ہیں ان میں سے، 16 فیصد صفحات ایک ایسی ویب سائٹ سے آئے جو اب بھی موجود ہے، جب کہ 9 فیصد ایسی ویب سائٹوں پر موجود تھے جو اب موجود نہیں ہیں۔

داؤد کم نے جنوبی کوریا میں مسجد کا افتتاح کردیا