صدر ابراہیم رئیسی کے ہیلی کاپٹر حادثے کی ایک وجہ امریکی پابندیاں قرار

آئی سی سی پراسیکیوٹر کی جانب سے اسرائیلی رہنماؤں کے خلاف وارنٹ گرفتاری کی درخواست اشتعال انگیز ہےِ
0
104
iran

تہران: یران کے سابق وزیرخارجہ جواد ظریف نے صدر ابراہیم رئیسی کے ہیلی کاپٹر حادثے کی ایک وجہ امریکی پابندیوں کو قرار دے دیا۔

باغی ٹی وی : ایرانی میڈیا کو انٹرویو میں جواد ظریف نے کہا کہ امریکی پابندیوں کے باعث ایران کو ہوابازی کی جدید سہولتوں تک رسائی نہیں ہوسکی، ہوا بازی سے متعلق پرزوں پر امریکی پابندیاں صدر ابراہیم رئیسی کے حادثے کی وجہ بنیں۔

واضح رہے کہ گزشتہ روز ایران کے صدر سید ابراہیم رئیسی ایران کے صوبے مشرقی آذربائیجان میں ہیلی کاپٹر حادثے کا شکار ہوکر جاں بحق ہوگئے،سپریم لیڈر علی خامنہ ای نے صدر ابراہیم رئیسی کی ہیلی کاپٹر حادثے میں موت کے بعد 5 روزہ سوگ کا اعلان کیا ہے اور نائب صدر محمد مخبر کو ملک کی ایگزیکٹو برانچ کا عبوری سربراہ مقرر کرنے کی تصدیق کردی۔

اسحاق ڈار کی بطور ڈپٹی وزیر اعظم تعیناتی کیخلاف دائر درخواست سماعت کیلئے مقرر

ایران کی سرکاری خبر رساں ایجنسی کے مطابق سپریم لیڈر علی خامنہ نے اپنے ایک بیان میں کہا کہ ”میں پانچ روزہ عوامی سوگ کا اعلان کرتا ہوں اور ایران کے پیارے لوگوں سے تعزیت کرتا ہوں۔“

دوسری جانب اسرائیلی رہنماؤں کے وارنٹ کی درخواست پرامریکی صدر کاردعمل سامنے آیا ہے،امریکی صدر جوبائیڈن کا کہنا ہے کہ آئی سی سی پراسیکیوٹر کی جانب سے اسرائیلی رہنماؤں کے خلاف وارنٹ گرفتاری کی درخواست اشتعال انگیز ہےِ،واضح کر دوں کہ پراسیکیوٹر کا جو بھی مقصد ہو، اسرائیل اور حماس کے درمیان کوئی بھی مساوات نہیں، ہم اسرائیل کی سلامتی کو لاحق خطرات کے خلاف ہمیشہ اس کے ساتھ کھڑے رہیں گے۔

گلگت بلتستان اور خیبر پختونخوا میں گلیشیئر پھٹنےکا خدشہ

Leave a reply