ایران کس مسلم ملک کے خلاف پراکسی جنگ لڑ رہا ، فرانس نے بتا دیا
باغی ٹی وی :ایک بار پھر یہ بات سامنے آئی ہے کہ سعودی کے خلاف ایرانی پراکسی لڑ رہی ہے . فرانس کی وزارت خارجہ نے سعودی عرب پر یمن کے حوثی باغیوں کے حملوں کی شدید مذمت کی ہے۔ فرانسیسی وزارت خارجہ کا کہنا ہے کہ حوثی باغی سعودی عرب کے خلاف ایران کی پراکسی جنگ لڑ رہے ہیں۔ سعودی عرب پر حوثیوں کے حملے بین الاقوامی قوانین کی خلاف ورزی اور ایران کی پراکسی وار کا حصہ ہیں۔العربیہ کے مطابق خطے میں جنگ کی آگ بھڑکانا کسی فریق کے مفاد میں نہیں۔
ترجمان کا کہنا تھا کہ امریکا اور ایران کے درمیان جاری صورت حال کافی کشیدہ ہے جس کے نتیجے میں علاقائی سلامتی پرمنفی اثرات مرتب ہوسکتے ہیں۔ انہوں نے امریکا اور ایران کے درمیان تازہ کشیدگی کی طرف اشارہ کرتے ہوئے دونوں فریقوں سے پرامن رہنے اور تحمل سے کام لینے پر زور دیا۔ ترجمان نے کہا کہ ایران کی طرف سے اپنے سائنسدان کے قتل پرانتقام لینے کی باتیں مزید کشیدگی اور خون خرابے کا باعث بن سکتی ہیں۔
واضح رہے کہ یمن میں حوثی باغیوں کے متعلق یہ بات سعودی عرب کے علاوہ متعدد ممالک یہ کہتے ہیں جن میں امریکا سمیت کئی یورپی ممالک شامل ہیں اور ایران پر یہ الزام لگاتے آئے ہیں کہ حوثیوں کو ایران سپورٹ کر رہا ہے اور سعودی عرب کے خلاف بطور پراکسی جنگ استعمال کر ہا ہے
