تہران:ایرانی حکام نے صدیوں پرانی قازون مسجد کو اس کی اصلی حالت میں بحال کرنے کا فیصلہ کر لیاہے. مورخین کے مطابق عباسی خلیفہ ہارون الرشید نے 807 عیسوی میں اس مسجد کو تعمیر کروایا تھا.ایرانی ماہرین آثار قدیمہ کا کہنا ہے کہ یہ ایک تاریخی مسجد ہے جس کی بحالی سے ایران میں اسلامی ثقافتی سرگرمیوں کو وسعت ملے گی.

اس مسجد کو 13 ویں صدی عیسوی میں اس وقت نقصان پہنچا تھا جب منگولوں نے اس علاقے میں لشکر کشی کی تھی. مورخین کے مطابق اس مسجد میں سولویں صدی عیسوی میں اضافہ کیا گیا تھے.لیکن اب ماہرین آثار قدیمہ نے اس کی تاریخی حثیت کو بحال کرنے اور برقراررکھنے کا فیصلہ کیا ہے. جس کے لیے ماہرین کی خدمات حاصل کرلی گئی ہیں.

Shares: