ایران، روس کو ڈرون استعمال کرنے کی تربیت دے رہا ہے،امریکا

ایک امریکی عہدیدار کا کہنا ہے کہ ایران نے روسی حکام کوایرانی ساختہ ڈرون استعمال کرنے کی تربیت دینا شروع کردی ہے۔

باغی ٹی وی : غیر ملکی میڈیا کے مطابق امریکی عہدیدار نے کہا کہ گذشتہ کئی ہفتوں کے دوران میں روسی حکام نے ایران میں بغیرپائیلٹ طیاروں (یو اے وی) کے استعمال کی تربیت حاصل کی ہے یہ تربیتی عمل ایران سے روس میں یو اے وی کی منتقلی کے معاہدے کا حصہ ہے فراہم کردہ معلومات کم ترانٹیلی جنس پر مبنی ہیں-

روس نےایرانی سیٹلائٹ "خیام” خلا میں بھیج دیا

بائیڈن انتظامیہ نےگذشتہ ماہ پہلی بارانکشاف کیا تھا کہ اس کے پاس روس اور ایران کے بارے میں ایسی معلومات ہیں جن کے مطابق روس کویوکرین میں استعمال کے لیے ایرانی ڈرونزکی ممکنہ فروخت پر تبادلہ خیال کیا گیا ہے۔

امریکا کے قومی سلامتی کے مشیرجیک سلیوان نے قبل ازیں کہا تھا کہ امریکا کے پاس ایسی انٹیلی جنس اطلاعات ہیں جن سے پتاچلتا ہے کہ ایران روس کو یوکرین کے خلاف جنگ میں استعمال کرنے کے لیے’’کئی سو‘‘ ڈرون مہیّاکرنے کی تیاری کررہا ہے اس کے لیے تربیتی عمل جولائی کے اوائل میں شروع ہونے والاتھا۔

گذشتہ ماہ جیک سلیوان نے سیٹلائٹ تصاویر بھی دکھائی تھیں کہ ایران میں ایک روسی وفد نے حملے کی صلاحیت کے حامل یو اے وی دیکھے تھے اور ان پرایرانی حکام سے تبادلہ خیال کیا تھا۔

یوکرین میں 80 غیرملکی جنگجو اور 470 یوکرینی فوجی ہلاک

لیکن جولائی کے آخرمیں جب قومی سلامتی کونسل کے ترجمان جان کربی سے ان اطلاعات کے بارے میں دریافت کیا گیا بتایا کہ امریکانے روسی وزارتِ دفاع کی جانب سے ایرانی ڈرونز کی اصل ترسیل یا خریداری کے کوئی اشارے نہیں دیکھے ہیں۔

قبل ازیں وال اسٹریٹ جرنل نے بدھ کے روز خبردی ہے کہ ایرانی وزارت خارجہ نے روس کے ساتھ ڈرون پروگرام میں شراکت داری کی تردید کی ہے۔

اس سے قبل واشنگٹن نے ماسکو پرالزام عائد کیا تھا کہ وہ یوکرین میں جنگ لڑتے ہوئے تہران کی طرف دیکھ رہا ہے۔

روس یوکرین کے خلاف جنگ میں مدد کے لیے صرف ایران سے اس کے ساختہ ڈرون لینا چاہتا ہے لیکن کیف کو امریکا اور دیگر مغربی طاقتوں سے اربوں ڈالر کے ہتھیار مل رہے ہیں۔