ایرانی اسلحہ کی دوڑ کو امریکانے خطے کی سلامتی کےلیے خطرہ قرار دے دیا

امریکی قومی سلامتی کے مشیر جان بولٹن نے کہا ہے کہ ایران بیلسٹک میزائل اور جوہری ہتھیار حاصل کرکے پورے خطے کے لیے تباہی کا سامان کررہا ہے۔ ان کا کہنا ہے کہ تہران کے خلاف کارروائی کے لیے تمام آپشن کھلے ہیں۔

باغی ٹی وی رپورٹ کے مطابق القدس میں امریکا اور روس کے قومی سلامتی کے مشیروں کے ساتھ ملاقات میں جان بولٹن کا کہنا تھا کہ امریکا شام میں موجود تمام غیرملکی فورسز کو باہرنکالنا چاہتا ہے۔ ان کا کہنا تھا کہ شام کے بحران کا مثالی حل’سیاسی’ اور سفارتی ہے۔

جان بولٹن نے کہا کہ شام میں ایران کی موجودگی خطرہ ہے۔ انہوں‌ نے بتایا کہ روسی حکام بھی متعدد بار شام سے ایرانیوں کی واپسی کی خواہش کا اظہار کرچکے ہیں۔

قبل ازیں منگل کوایک بیان میں جان بولٹن نے کہا تھا کہ ایران کے متنازع جوہری پروگرام پرتہران کے ساتھ بات چیت کے دروازے کھلےہیں۔ ان کا کہنا تھا کہ تہران پرپابندیوں کے باوجود بات چیت کی جا سکتی ہے