ہیلی کاپٹر حادثے میں جاں بحق ایرانی صدر و دیگر رہنماؤں کی نماز جنازہ کل بدھ کو ادا کی جائے گی،جبکہ تدفین جمعہ کو کی جائے گی
پاکستان کے وزیر اعظم شہباز شریف بھی ایرانی صدر کے نماز جنازہ میں شریک ہوں گے، وزیراعظم شہباز شریف ایران کا دورہ کریں گے اور نماز جنازہ میں شرکت کے بعد متحدہ عرب امارات روانہ ہو جائیں گے.
ایرانی صدر ابراہیم رئیسی کا جسد خاکی تبریز سے تہران پہنچا دیا گیا ہے ایرانی صدر کے ساتھ جاں بحق دیگر رفقا کے جسد خاکی بھی تہران پہنچائے گئے ہیں، تہران ایئر پورٹ پر جہاز پہنچا تو اس موقع پر ایرانی کابینہ کے افراد موجود تھے، ایرانی صدر اور ساتھیوں کی آخری رسومات کی ادائیگی قُم شہر میں بھی ہوگی،ایرانی صدر اور ساتھیوں کی نماز جنازہ کل سپریم لیڈر آیت اللّٰہ خامنہ ای پڑھائیں گے، ایرانی صدرکی تدفین جمعہ کو مشہد میں امام رضا کے روضے کے احاطے میں کی جائے گی۔نماز جنازہ میں ایرانی قائمقام صدر سمیت دیگر حکام شریک ہوں گے، اس موقع پر سیکورٹی کے سخت انتظامات کئے جائیں گے،نماز جنازہ کے بعد مشہد میں ایرانی صدر کی تدفین کی جائے گی جو انکا آبائی علاقہ ہے،ایران نے ہیلی حادثے پر پانچ روزہ سوگ کا اعلان کر رکھا ہے،مشہد اور قم سمیت مختلف شہروں میں ایرانی صدر ابراہیم رئیسی کی وفات پرشہری غمزدہ ہیں، سوشل میڈیا پر وائرل ویڈیو میں شہریوں کو دھاڑیں مار کر روتے ہوئے دیکھا جا سکتا ہے،
ایرانی صدر ابراہیم رئیسی اور دیگر کی آخری رسومات کی ادائیگی کا سلسلہ تبریز سے شروع ہو گیا ہے، ایران کے شہر تبریز میں ہونے والی صدر رئیسی کی آخری رسومات میں 5 لاکھ سے زائد ایرانی شہری شریک ہیں، شہریوں نے ایرانی صدر و دیگر کی مغفرت کے لئے دعا کی،اور ایرانی صدر کی خدمات کو خراج تحسین پیش کیا، تبریز میں ایک ٹرک پر ایرانی صدر اور وزیر خارجہ سمیت ہیلی کاپٹر حادثے میں جاں بحق ہونے والوں کے تابوت رکھے گئے ہیں،تقریب میں شریک ایرانی شہریوں نے ہاتھوں میں ایرانی صدر رئیسی کی تصاویر اٹھا رکھی تھیں۔
تہران میں آخری رسومات بدھ کی صبح ساڑھے 9 بجے ادا کی جائیں گی
ایرانی حکام کے مطابق آخری رسومات کے سلسلے میں تبریز، قم، تہران، بیرجند اور مشہد میں جلوس برآمد کیے جائیں گے،تبریز سے تمام میتیں قم لائی جائیں گی جہاں تعزیتی تقریب مقامی وقت کے مطابق شام 4 بجے ہوگی،تہران میں آخری رسومات بدھ کی صبح ساڑھے 9 بجے ادا کی جائیں گی اور جاں بحق افراد کی نمازِ جنازہ بدھ کو تہران ہی میں ادا کی جائے گی، نمازِ جنازہ سپریم لیڈر آیت اللّٰہ خامنہ ای پڑھائیں گے
ایران کے سرکاری میڈیا نے حادثے کا سبب ہیلی کاپٹر میں تکنیکی خرابی کو قراردیتے ہوئے بتایا کہ جنگل اور پہاڑی علاقے میں ہیلی کاپٹر کا ملبہ ایرانی ڈرونزنے تلاش کیا تھا۔ اقوام متحدہ کی سلامتی کونسل میں ایرانی صدر ابراہیم رئیسی کی یاد میں ایک منٹ کی خاموشی اختیار کی گئی ہے
ایران میں صدارت انتخابات 28 جون کو، شیڈول کا اعلان کر دیا گیا
دوسری جانب نائب صدر محمد مخبر نے صدارتی ذمہ داریاں سنبھال لی ہیں جبکہ ایران کے ایٹمی مذاکرات کار علی باقری کنی کو قائم مقام وزیر خارجہ مقرر کردیا گیا ہے،ایران کے قائم مقام صدر کے مطابق صدارتی انتخابات کے لئے 28 جون 2024 کی تاریخ مقرر کی گئی ہے.کاغذات نامزدگی30 مئی سے جمع کروائے جائیں گے،3 جون کو حتمی فہرست لگائی جائے گی.12 جون سے 27 جون تک انتخابی مہم چلائی جائے گی.
ایرانی ڈیزاسٹر مینجمنٹ تنظیم کے سربراہ محمد حسن نامی کا کہنا ہے کہ ہیلی کاپٹر کریش ہونے سے آگ لگنے کے باوجود صدر ابراہیم رئیسی، وزیر خارجہ حسین امیر عبداللہیان اور دیگر تمام افراد کی لاشیں قابل شناخت ہیں اور اس لیے ڈی این اے ٹیسٹ کی ضرورت نہیں ہے،ہسب سے زیادہ بہتر حالت میں آیت اللّٰہ محمد علی آل ہاشم کی لاش ملی ہے، ہیلی کاپٹر حادثے کا شکار ہونے کے ایک گھنٹے بعد تک وہ زندہ رہے اور انہوں نے صدارتی آفس کے سربراہ غلام حسین اسماعیلی کو ٹیلی فون کرکے بات بھی کی تھی۔
قائم مقام صدر سید یوسف رضا گیلانی کا ایرانی سفارتخانے کا دورہ
قائم مقام صدر سید یوسف رضا گیلانی نے ایران کے سفارت خانے کا دورہ کیا، قائمقام صدر نے ایران میں ہیلی کاپٹر حادثے میں ایرانی صدر ڈاکٹر سید ابراہیم رئیسی، وزیر خارجہ اور دیگر کے افسوسناک انتقال پر اظہارِتعزیت کیا.
وزیراعظم کی کوآرڈینیٹر رومینہ خورشید عالم کا ایرانی سفارت خانے کا دورہ
وزیر اعظم کی کوآرڈینیٹر برائے موسمیاتی تبدیلی اور ماحولیاتی رابطہ رومینہ خورشید عالم نے اسلام آباد میں اسلامی جمہوریہ ایران کے سفارت خانے کا دورہ کیا اور ایرانی صدر مملکت کے المناک انتقال پر ایران کی حکومت اور عوام سے تعزیت کا اظہار کیا۔ ڈاکٹر ابراہیم رئیسی، وزیر خارجہ امیر حسین عبداللہیان اور دیگر اعلیٰ ایرانی حکام، جو پیر کو ہیلی کاپٹر کے حادثے میں ہلاک ہوئے۔ایران کے سفیر جناب رضا امیری موغداد سے بات کرتے ہوئے محترمہ رومینہ خورشید عالم نے مرحوم ایرانی صدر کو زبردست خراج عقیدت پیش کیا اور ان کے حالیہ شاندار اور یادگار دورہ پاکستان کا اچھے الفاظ میں ذکر کیا۔پاکستان میں ایران کے سفیر سے ملاقات کے دوران انہوں نے ایرانی صدر کے تمام سطحوں پر عالمی مسلم کمیونٹی کی بہتری اور پاکستان اور ایران کے عوام کے مابین تعلقات کو مزید گہرا کرنے کے لیے مرحوم ایرانی صدر کے بے مثال کردار کو سراہا۔ وزیر اعظم کے کوآرڈینیٹر نے صدر رئیسی کے ساتھ اپنے حالیہ دورہ پاکستان کے دوران ہونے والے مذاکرات کا بھی ذکر کیا اور ایران کی جانب سے پاکستان اور ملک کے عوام کی سماجی و اقتصادی ترقی کے لیے ہر سطح پر غیر متزلزل حمایت کے عزائم کو سراہا۔ محترمہ رومینہ خورشید عالم نے کہا صدر ڈاکٹر ابراہیم رئیسی بلاشبہ ایک عظیم رہنما، روشن بصیرت رکھنے والے عظیم ساکھ کے عالم تھے،”۔وزیراعظم کی کوآرڈینیٹر نے اسلام آباد میں ایرانی سفارتخانے کے دورے کے دوران اس المناک سانحہ کے موقع پر ایرانی سفارت خانے میں تعزیتی کتاب پر دستخط بھی کیے۔
اناللہ وانا الیہ راجعون، ایرانی صدر ہیلی حادثے میں جاںبحق
پاکستان اور ایران کے دل ہمیشہ ایک ساتھ جڑے رہیں گے، ایرانی صدر
پاکستان اور ایران نے دوطرفہ تعاون مزید وسیع کرنے کے عزم کا اظہار
ایرانی صدر کی اہلیہ کا پاکستان سویٹ ہوم سنٹر اور نمل یونیورسٹی اسلام آباد کا دورہ
آرمی چیف سے ایرانی صدر کی ملاقات،دوطرفہ تعاون کو فروغ دینے کی ضرورت پر اتفاق
پاک ایران تجارتی حجم 10ارب ڈالر تک بڑھانے پر اتفاق کیا ہے،ایرانی صدر کی پریس کانفرنس
بلاول، آصفہ کا وزیراعلیٰ سندھ کے ہمراہ ایرانی سفارتخانے کا دورہ
پاکستان پیپلزپارٹی کے چیئرمین بلاول بھٹو زرداری اور بی بی آصفہ بھٹو زرداری کی ایرانی سفارت خانے آمدہوئی ہے،بلاول بھٹو زرداری اور بی بی آصفہ بھٹو زرداری کے ایرانی سفارت خانے کے دورے کے موقع پر وزیراعلی سندھ بھی ہمراہ تھے، بلاول بھٹو زرداری اور بی بی آصفہ بھٹو زرداری نےایرانی قونصل جنرل حسن نورین سے صدر ابراہیم رئیسی کے ہیلی کاپٹر حادثے میں جاں بحق ہونے پر اظہار افسوس کیا، بلاول بھٹو زرداری اور بی بی آصفہ بھٹو زرداری نےہیلی کاپٹر حادثے میں جاں بحق ہونے والے ایرانی وزیر خارجہ امیر عبداللہیان کے جاں بحق ہونے پر بھی افسوس کا اظہار کیا، بلاول بھٹو زرداری اور بی بی آصفہ بھٹو زرداری نے قیمتی زندگیوں کے زیاں پر ایران کے عوام سے اظہار رنج و غم کیا، بلاول بھٹو زرداری اور بی بی آصفہ بھٹو زرداری نے ابراہیم رئیسی اور امیر عبداللہیان کا متحرک کردار اور گراں قدر خدمات پر خراج عقیدت پیش کیا اور کہا کہ "ایران میں ہونے والے ہیلی کاپٹر حادثے میں قیمتی زندگیوں کے زیاں پر دلی طور پر صدمہ ہوا، صدر ابراہیم رئیسی اور وزیرخارجہ امیر عبداللہیان سے متعدد مثبت ملاقاتوں میں ایک قلبی تعلق قائم ہوا،دکھ کی اس گھڑی میں پاکستان کے عوام ایران کے بھائیوں اور بہنوں کے ساتھ کھڑے ہیں”.
