وزارت داخلہ نے وفاقی دارالحکومت میں یونین کونسلوں کی تعداد میں آبادی کے لحاظ سے اضافے کا نوٹیفیکشن جاری کردیا۔
وزارت داخلہ نے وفاقی دارالحکومت میں یونین کونسلوں کی تعداد میں آبادی کے لحاظ سے اضافے کا نوٹیفیکشن جاری کردیا۔وزارت داخلہ سے جاری نوٹیفکیشن میں کہا گیا ہے کہ وفاقی کابینہ کی منظوری کے بعد اسلام آباد میں یونین کونسلوں کی تعداد میں آبادی کے لحاظ سے اضافے کی منظوری دے دی گئی ہے لہذا لوکل باڈیز ایکٹ کے تحت یونین کونسل کی حد بندی کی جائے اور آبادی کے لحاظ سے اسلام آباد کی 125 یونین کونسلیں بنائی جائیں۔
وفاقی کابینہ نے سرکولیشن کے ذریعے وزارت داخلہ کی اسلام آباد کی یونین کونسل کی تعداد میں اضافے کی سمری کی منظوری دے دی۔ ذرائع کے مطابق کابینہ نے کابینہ کی جانب سے اسلام آباد کی یونین کونسلز کی تعداد101 سے بڑھا کر 125 کی منظوری دے دی گئی۔سمری منظور ہونے کے بعد اسلام آباد میں ہونے والے بلدیاتی انتخابات تاخیر کاشکار ہوسکتے ہیں۔
مزید یہ بھی پڑھیں.
وزیر خارجہ کی پاکستانی نژاد امریکی کمیونٹی کے رہنماؤں سے ملاقات
پاکستان کو سیلاب کی تباہ کاریوں سے نمٹنے کے لئے عالمی برادری کے ٹھوس تعاون کی ضرورت ہے.اقوام متحدہ
اسلام آباد سے کراچی سفر کرنیوالی پرواز کا مسافردوران سفر انتقال کر گیا
بجلی 31.60 روپے فی یونٹ، گیس 100فیصد مہنگی کرنیکی تجویز
قرضوں کی بہتر مینجمنٹ کیلیے فوری طور پر ڈیبٹ مینجمنٹ آفس قائم
اسلام آباد میں سالِ نو کی پارٹیوں کے دوران اسمگل کی جانیوالی منشیات برآمد
وزارت داخلہ کی جانب سے کابینہ کو بھیجی گئی سمری میں کہا گیا تھا کہ آبادی میں اضافے کے پیش نظر اسلام آباد کی یونین کونسلز کی تعداد میں اضافہ ہونا چاہیے، اسلام آباد میں 2017 کی مرد شماری کی بنیاد پر 101 یونین کونسلز قائم کی گئی تھیں۔
سمری میں کہا گیا کہ موجودہ آبادی کے تناسب سے اسلام آباد کی یونین کونسلز کی تعداد 125 ہونی چاہئے۔ کابینہ نے وزارت داخلہ کی سمری منظور کرتے ہوئے اسلام آباد یونین کونسلز کی تعداد101 سے بڑھا کر 125 کردی۔
واضح رہے اسلام آباد میں بلدیاتی انتخابات 31 دسمبر کو ہونے ہیں، کابینہ سے سمری منظور ہونے پر اسلام آباد کے بلدیاتی انتخابات مقررہ وقت پر نہیں ہوسکیں گے۔
