اسلام آباد(محمداویس) سینیٹ نے بھنگ کنڑول اینڈ ریگولیٹری اتھارٹی بل 2024 اور نیشنل یونیورسٹی آف ٹیکنالوجی ترمیمی بل 2024کثرت رائے سے منظور کرلیا،بھنگ کنڑول اینڈ ریگولیٹری اتھارٹی بل میں اپوزیشن کی اتھارٹی کی پیسے اسلامک بینک میں رکھنے کے حوالے سے ترمیم مسترد کردی گئی ۔وفقہ سوالات میں بتایا گیا کہ پی آئی اے کے 18 ہوائی جہاز گراؤنڈ ہیں گذشتہ مالی سال 5294سمز بلاک کئے کچے کے ڈاکوؤں کے بھی 465سمیں بلاک کی گئیں ۔
سینیٹ کا اجلاس چیئرمین یوسف رضاگیلانی کی زیرصدارت پارلیمنٹ ہاوس میں ہوا ۔وزارت ہوابازی نے تحریری جواب میں بتایا کہ جناح انٹرنیشنل ائیرپورٹ پر پی آئی اے کے 18جہاز کھڑے ہیں جن میں سے 9جہازوں کو مستقل طور پر گراؤنڈ کیا گیاہے اور ان کی رجسٹریشن منسوخ کردی گئی ہے 5جہاز کسٹمزسے این او سی نہ ملنے کی وجہ سے مستقل گراونڈ کئے گئے ہیں 2جہاز ضروری مرمت کے بعد اور لیز کے تحت قابل واپسی طیارے ہیں جبکہ 2 بی 777طیارے مرمت نہ ہونے پر پارک کئے گئے ہیں ۔
وزارت آئی ٹی نے تحریری جواب میں بتایا کہ مالی سال 2023-24میں کل 5294سمز بلاک کی گئی ہیں آئی ایم ای آئی 4509بلاک کئے گئے 113بلاکڈ / بلیک لمیٹڈ شناختی کارڈز اور 19730موبائل نمبرز کو وارننگ دی گئی ہے قومی سلامتی کے معاملے پر سمیں وزارت داخلہ،ڈائریکٹوریٹ جنرل آف آئی ایس آئی اور سیگنلز ڈائریکٹوریٹ جی ایچ کیو کی ہدایت پر ہوتی ہیں وزارت داخلہ کی ہدایت پر شکار پور اور گھوٹکی کے کچے کے ڈاکوؤں کے 465سمیں بلاک کی گئی ہیں ،وزیر مملکت آئی ٹی شیزہ فاطمہ نے کہا کہ ویب منیجمنٹ سسٹم کے تحت ایکس کو بلاک کیاگیا ہے ملک کو نیشنل سیکیورٹی کے چیلجز ہیں ٹیکنالوجی کی مس یوز ہورہاہے پی ٹی اے وی پی این رجسٹرڈ کررہاہے تاکہ کاروبار متاثر نہ ہو۔سوشل میڈیا پر بہت زیادہ مسائل درپیش ہیں ۔ نیشل سائبر سکیورٹی کو دنیاکے ساتھ چلنا چاہتے ہیں ۔
وزیر تعلیم خالد مقبول صدیقی نے نیشنل یونیورسٹی آف ٹیکنالوجی ترمیمی بل 2024ایوان میں پیش کیا۔بل کو قائمہ کمیٹی کو بھیجنے کے بجائے براہ راست منظور کرلیا گیا ۔
چرس غریبوں کا نشہ ہے ہمارے بلوچستان میں چرس کے بغیر ٹرک نہیں چلاتے،دنیش کمار
وزیرقانون اعظم نذیر تارڑ نے بھنگ کنڑول اینڈ ریگولیٹری اتھارٹی بل 2024 ایوان میں پیش کیا ۔ اپوزیشن سینیٹر جان محمد بلیدی نے کہاکہ یہ فیڈرل لسٹ میں نہیں ہے ہم اس پر قانون سازی نہیں کرسکتے ۔صوبے اس معاملے کو دیکھیں ۔پییلزپارٹی کے سینیٹر ضمیر حسین نے کہاکہ یہ صوبائی معاملہ ہے یہاں پر صرف وفاق کی حد تک قانون سازی ہوسکتی ہےدنیش کمار نے کہاکہ یہ صوبائی معاملہ ہے ۔چرس غریبوں کا نشہ ہے ہمارے بلوچستان میں چرس کے بغیر ٹرک نہیں چلاتے ہیں ،بل میں اپوزیشن کی ترمیم مسترد کردی گئی جو کہ اتھارٹی کی تمام پیسے اسلامک بینک میں ڈالنا لازمی کرنے کے حوالے سے تھی ۔ایوان نے کثرت رائے سے بھنگ کنڑول ایند ریگولیٹری اتھارٹی بل 2024 کثرت رائے سے منظور کرلیا گیا
10 کلو بھنگ،9 کلو گانجہ چوہے کھا گئے
وفاقی کابینہ کااجلاس ،کابینہ نےقومی بھنگ پالیسی کی منظوری مؤخر کردی
بھنگ پالیسی وزیراعظم ہاؤس میں زیرالتوا کیوں؟ قائمہ کمیٹی کا اظہار ناراضگی
بھنگ اورافیوم سے ادویات بنانےاورکاشت سےمتعلق کام شروع
بھنگ برائے علاج : بھنگ برائے فروخت:حکومت نے استعمال کے لیے طریقہ کار کی منظوری دے دی
لاہور کے ہسپتالوں میں آکسیجن کی کیا صورتحال؟ تشویشناک خبر آ گئی
پاکستان اسٹیل کا پلانٹ شاید ایمرجنسی میں نہ چلایا جا سکے،وفاقی وزیر سائنس
بھنگ سے ادویات بنائیں گے،اطلاعات سے ہٹنے پر اللہ کا شکر ادا کیا، وزیر سائنس شبلی فراز
سپریم کورٹ میں ججز بھی "بھنگ” کے فائدے بتانے لگے
قبل ازیں ایک اجلاس میں بھنگ کی پالیسی کے حوالے سے کمیٹی کو بتایا گیا تھا کہ قومی بھنگ پالیسی منظور کر لی گئی ہے۔ بھنگ کے دواؤں میں استعمال کے لئے عالمی سطح پر وسیع مواقع موجود ہے۔ اس وقت یہ چالیس بلین ڈالر کی مارکیٹ ہے جو اگلے چار سالوں میں سو بلین ڈالر تک پہنچ جائیگی۔ حکام نے بتایا کہ وزارت نے تمام اسٹیک ہولڈرز کے ساتھ مل کر ایک جامع پالیسی بنائی ہے اور جلد از جلد اس پر عمل درآمد شروع ہو جائے گا۔
