اسلام آباد ہائیکورٹ نے پرویز الٰہی کا تھری ایم پی او معطل کرکے رہا کرنے کا حکم دے دیا
پرویز الہی کی درخواست پر اسلام آباد ہائیکورٹ میں سماعت ہوئی، اسلام آباد ہائی کورٹ نے ڈی سی اسلام آباد کو منگل کے لیے نوٹس جاری کر دیا ،اسلام آباد ہائی کورٹ نے پرویز الٰہی کو آئندہ سماعت پر عدالت کے سامنے پیش ہونے کی ہدایت کر دی، اسلام آباد ہائیکورٹ نے حکم دیا کہ پرویز الٰہی آئندہ سماعت تک کسی قسم کا کوئی بیان نہیں دیں گے ،جسٹس طارق محمود جہانگیری نے کیس کی سماعت کی، عدالت نے 3 ایم پی او آرڈر کالعدم قرار دیتے ہوئے پرویز الہیی کی فوری رہائی کا حکم دیا،
لاہور ہائیکورٹ نے یکم ستمبر کو پرویز الہی کی رہائی کا حکم دیا ،لاہور ہائیکورٹ نے پرویز الہی کو کسی بھی اور کیس میں گرفتار کرنے سے روکا ،اسلام آباد پولیس نے لاہور ہائیکورٹ کے آرڈر کو فرسٹریٹ کرنے کیلئے پرویز الہی کو گرفتار کیا،وکیل پرویز الہی نے عدالت میں کہا کہ معلوم پڑا ہے کہ اب پرویز الہی کو اٹک جیل سے نکال کر پولیس لائنز لایا گیا ہے،جسٹس طارق جہانگیری نے استفسار کیا کہ پرویز الہی کو پہلی بار کب گرفتار کیا گیا تھا؟ وکیل پرویز الہی نے کہا کہ پرویز الہی کو ابتدائی طور پر یکم جون کو گرفتار کیا گیا تھا، جسٹس طارق محمود جہانگیری نے ریمارکس دیتے ہوئے کہا کہ تو پرویز الہی تین ماہ سے زائد عرصے سے حراست میں ہیں، کیا پرویز الہی اسلام آباد کے رہائشی ہیں؟ وکیل پرویز الہی نے کہا کہ پرویز الہی لاہور کے رہائشی ہیں، اسلام آباد میں بھی انکا گھر ہے، ایم پی او آرڈر میں لکھا گیا کہ پرویز الہی نے کارکنوں کو اشتعال دلایا
جسٹس طارق محمود جہانگیری نے استفسار کیا کہ کیا پرویز الہی کے خلاف اسلام آباد میں کوئی مقدمہ درج ہے؟ وکیل نے کہا کہ نہیں، پرویز الہی کے خلاف کوئی مقدمہ درج نہیں ہے ،اسلام آباد پولیس نے پرویز الہی کو لاہور پولیس سے چھین کر دوسری گاڑی میں ڈالا،
اسلام آباد ہائیکورٹ ڈسٹرکٹ مجسٹریٹ کے ایم پی او آرڈرز کو کالعدم قرار دے چکی ،اسلام آباد ہائیکورٹ نے ڈسٹرکٹ مجسٹریٹ کے خلاف توہین عدالت کی کارروائی شروع کی،ڈسٹرکٹ مجسٹریٹ نے پھر اسی طرح کا ایم پی او آرڈر جاری کر دیا، کیا وہ اتنا طاقتور ہو گیا ہے، اسلام آباد ہائیکورٹ نے پرویز الہی کی ایم پی او کے تحت نظربندی کا آرڈر معطل کر دیا
پرویز الہیٰ کو تین روز قبل لاہور ہائیکورٹ نے رہا کرنے کا حکم دیا تھا پرویز الہیٰ عدالت سے گھر جا رہے تھے کہ انہیں اسلام آباد پولیس نے گرفتار کیا اور اٹک جیل منتقل کر دیا، پرویز الہیٰ کو تھری ایم پی او کے تحت حراست میں لیا گیا،
علاوہ ازیں تحریک انصاف کے ترجمان نے پرویزالہیٰ کی گرفتاری پر سپریم کورٹ سے نوٹس لینے کا مطالبہ کرتے ہوئے کہا ہے کہ پی ٹی آئی صدر کی فوری رہائی کے احکامات صادر کئے جائیں، اور پرویزالہیٰ کے صاحبزادے مؤنس الہیٰ کا کہنا تھا کہ عدالتی احکامات کا مذاق اڑاتے ہوئے میرے والد کو اغوا کرلیا گیا ہے
پولیس نے پرویز الٰہی کو دوبارہ گرفتار کرلیا
پی ٹی آئی کی اندرونی لڑائیاں۔ فواد چوہدری کا پرویز الٰہی پر طنز
خدشہ ہے کہ پرویز الٰہی کو گرفتار کر لیا جائیگا
پرویز الہیٰ کے خلاف ایک اور مقدمہ درج کر لیا گیا ،
پرویزالہٰی کی حفاظتی ضمانت پر تحریری فیصلہ
زمان پارک سے اسلحہ ملنے کی ویڈیو
