وزیر داخلہ کا اسلام آباد میں جیل کی تعمیر کا منصوبہ 6 ماہ میں مکمل کرنیکا حکم

0
119
mohsin naqvi

13برس سے رکا ہوا اسلام آباد میں جیل کی تعمیر کا منصوبہ 6 ماہ میں مکمل ہو گا

وفاقی وزیرداخلہ محسن نقوی نےاسلام آباد کے سیکٹر ایچ میں زیر تعمیر جیل کا دورہ کیا،وفاقی وزیرداخلہ محسن نقوی نے زیر تعمیر جیل کا معائنہ کیا،وفاقی وزیرداخلہ محسن نقوی نے جیل کی تعمیر کے پہلے مرحلےکو 6 ماہ میں مکمل کرنے کا ٹاسک دے دیا،چیف کمشنر اسلام آباد اور آئی جی اسلام آباد پولیس کو تعمیراتی سرگرمیوں پر باقاعدگی سے پیش رفت کا جائزہ لینے کی ہدایت بھی کی،

وزیر داخلہ محسن نقوی کا کہنا تھا کہ 13برس تک منصوبے کو لٹکائے رکھنا صریحا نااہلی ہے۔دن رات کام کر کے جیل کی تعمیر کا کام ٹائم لائن میں مکمل کیا جائے۔ضروری عملے کی تعیناتی کے عمل بھی فوری شروع کیا جائے۔ منصوبے کی تکمیل کے لیےوسائل کی فراہمی کو یقینی بنایا جائے گا۔وفاقی وزیرداخلہ محسن نقوی نے زیر تعمیر منصوبے کی تکمیل کے حوالے سے متعلقہ حکام کو ہدایات دیں،چیف کمشنر اسلام آباد محمد علی رندھاوا نے پراجیکٹ کے بارے بریفنگ دی،اور کہا کہ اسلام اباد میں جیل کی تعمیر کا منصوبہ کا 2011 میں شروع ہوا۔ کئی برس کے بعد بھی اس ۔منصوبے کو مکمل نہیں کیا جاسکا۔ جیل میں 2 ہزار قیدی رکھنے کی گنجائش ہو گی۔ 2 ہزار مزید قیدی رکھنے کی گنجائش بڑھائی جا سکے گی۔ وفاقی سیکرٹری داخلہ خرم آغا۔ چیف کمشنر اسلام آباد محمد علی رندھاوا۔ آئی جی پولیس اسلام آباد۔ کنٹریکٹرز۔ کنسلٹنٹ اور متعلقہ حکام بھی اس موقع پر موجود تھے

وزیرداخلہ محسن نقوی سے اٹلی کی سفیر میریلینا ارملین کی ملاقات،
وفاقی وزیرداخلہ محسن نقوی سے اٹلی کی سفیر میریلینا ارملین کی وزارتِ داخلہ میں ملاقات۔ ملاقات میں دوطرفہ تعلقات کے فروغ اور اہم امور پر تبادلہ خیال کیا گیا۔اس موقع پر وزیر داخلہ محسن نقوی نے کہا کہ پاکستان بھر میں انسانی سمگلنگ کے خلاف بھرپور کریک ڈاؤن جاری ہے، انسانی سمگلنگ کے مافیا کے خلاف زیرو ٹالرنس کی پالیسی اپنائی ہے۔ انہوں نے واضح کیا کہ غیر قانونی طور اٹلی پر جانے والوں کو ناصرف جیل جانا پڑے گا بلکہ رقم بھی ضائع ہو گی، انسانی سمگلنگ روکنے کے لئے ایف آئی اے کو بھرپور کارروائی کا حکم دیا جس پر کسی صورت کوئی سمجھوتہ نہیں ہوگا۔ انہوں نے مزید کہا کہ پاکستان سے اٹلی قانونی طور پر ہنر مند افرادی قوت بھیجی جائے گی تاکہ ملک کی ترسیلات زر کا سبب بنے۔

ملاقات میں غیر قانونی طور پر اٹلی جانے والے پاکستانیوں کا داخلہ روکنے کے لئے معاہدے پر بھی اتفاق۔ غیر قانونی طور پر اٹلی جانے والے پاکستانیوں کا داخلہ روکنے اور باہمی تعاون کو فروغ دیا جائے گا۔ اس سلسلے میں مشترکہ پالیسی اپنانے پر اتفاق کیا گیا۔ پاکستان اور اٹلی کے درمیان انسانی سمگلنگ روکنے کے معاہدے کو جلد حتمی شکل دی جائے گی۔ معاہدے کو حتمی شکل دینے کے لیے وفاقی وزیرداخلہ محسن نقوی نے متعلقہ حکام کو موقع پر ہی احکامات جاری کیے۔ اس موقع پر میلان اور اسلام آباد کو سسٹر سیٹز کا درجہ دینے کی تجویز پر بھی غور کیا گیا۔

وفاقی وزیر داخلہ محسن نقوی نے پاکستان میں اٹلی کی سفیر کی ذمہ داری سنبھالنے پر میریلینا ارملین کو مبارکباد دی اور ان کے لئے نیک خواہشات کا اظہار کیا۔ اٹلی کی سفیر نے انسانی سمگلنگ کی روک تھام کے لیے وزیرداخلہ کے اقدامات کو سراہا اور انسانی سمگلنگ روکنے کے لئے ہر ممکن تعاون کی یقین دہانی کرائی۔وفاقی سیکرٹری داخلہ خرم علی آغا اور اٹلی کے سفارت خانے کے اعلی حکام بھی اس موقع پر موجود تھے۔

Leave a reply