اسلاموفوبیا آج کے دور کا ایک اہم مسئلہ ہے۔ وزیر خارجہ بلاول بھٹو زرداری

اسلاموفوبیا آج کے دور کا ایک اہم مسئلہ ہے۔ وزیر خارجہ بلاول بھٹو زرداری

وزیر خارجہ بلاول بھٹو زرداری کا کہنا ہے کہ حجاب پر پابندی اور توہین مذہب سنگین مسئلہ ہے۔ نیویارک میں اسلاموفوبیا سے نمٹنےکے لئے عالمی دن کی یادگاری تقریب کے اختتامی سیشن سے خطاب کرتے ہوئے بلاول بھٹو نے کہا کہ اسلاموفوبیا آج کے دور کا ایک اہم مسئلہ ہے۔

انہوں نے کہا کہ اسلام آمن اور رواداری کا دین ہے، 9/11 کے بعد دنیا میں اسلاموفوبیا میں اضافہ ہوا جس سے نمٹنے کے لئے مل کر اقدامات کرنے ہوں گے۔ وزیر خارجہ نے کہا کہ دنیا میں منظم انداز میں مسلمانوں کے خلاف نفرت پھیلائی گئی، فاشسٹ پالیسیوں سے مسلمانوں کو نشانہ بنایا جا رہا جب کہ حجاب پر پابندی اور توہین مذہب سنگین مسئلہ ہے، البتہ کرائسٹ چرچ جیسے واقعات سے معلوم ہوا اسلاموفوبیا دنیا میں پھیل رہا ہے۔
مزید یہ بھی پڑھیں؛
عورت مارچ کے انعقاد میں کوئی رکاوٹ نہیں ڈالی جائے گی،پنجاب حکومت
قانون کی حکمرانی کی بھاشن دینے والے آج عدالتی احکامات کی دھجیاں اڑا رہے ہیں،شرجیل میمن
میئر کراچی کیلئے مقابلہ دلچسپ، پیپلزپارٹی اور جماعت اسلامی کی نشستیں برابر ہوگئیں
مکیش امبانی کے ڈرائیورز کی تنخواہ کتنی؟ جان کردنگ رہ جائیں
سعود ی عرب :بچوں سے زیادتی کے مجرم سمیت 2 ملزمان کو سزائے موت
اس موقع پر گفتگو کرتے ہوئے اقوام متحدہ کے سیکرٹری جنرل انتونیو گوتریس نے کہا کہ اسلام امن اور بھائی چارے کا درس دیتا ہے، دنیا میں مسلمانوں کو امتیازی سلوک کا سامنا ہے، لہٰذا اقوام عالم کو انسانی حقوق کے تحفظ کے لئے متحد ہونا ہوگا۔

دوسری جانب دفتر خارجہ کے مطابق افغانستان کے بارے میں وزارت خارجہ میں ایک مکمل ڈویژن قائم ہے جس کی سربراہی ایڈیشنل سیکرٹری برائے افغانستان اور مغربی ایشیا سید احسن رضا شاہ کررہے ہیں۔ دفتر خارجہ نے جمعہ کو گزشتہ روز کی پریس بریفنگ کے حوالے سے کہا ہے کہ ایڈیشنل سیکرٹری برائے افغانستان کی سربراہی میں قائم ڈویژن اپنی ذمہ داریاں پوری لگن کے ساتھ ادا کررہا ہے اور وہ آئندہ بھی اپنی ذمہ داری نبھاتا رہے گا۔

ترجمان دفتر خارجہ سے بریفنگ کے دوران سوال کیا گیا تھا کہ گزشتہ ہفتے وزیر اعظم کے معاون خصوصی محمد صادق کے عہدے سے مستعفی ہونے کے بعدان کی عدم موجودگی میں افغانستان کے معاملات کو پاکستان میں اعلیٰ سطح پر کون دیکھ رہا ہے۔