ممبئی :بھارت میں 23 سالہ نوجوان لڑکی کو عصمت دری کے خلاف مزاحمت پردرندہ صفت شخص نے پیٹورل چھڑک کر آگ لگا دی-
باغی ٹی وی : بھارتی میڈیا کے مطابق لڑکی جھلسنے کے باعث زخموں کی تاب نہ لاتے ہوئے ہسپتال میں دم توڑ گئی ، لڑکی کا 95 فیصد جسم جھلس چکا تھا بھارتی ریاست کرناٹکا کے ضلع یادگیر کے گاﺅں کے رہائشی 25 سالہ ” گنگاپاارولالی“ نے خاتون کے ساتھ تعلقات بنانے کیلئے کچھ عرصہ سے کوششیں کر رہا تھا لیکن وہ ہر بار اس کی پیشکش کو مسترد کر دیتی –
ڈی جی خان:نجی اکیڈمی میں لڑکیوں کے ساتھ جنسی زیادتی اور انہیں بلیک میل کرنے کا انکشاف
تاہم پیر کی علی الصبح نوجوان لڑکی کے گھر میں داخل ہوا اور اسے جنسی ہوس کا نشانہ بنانے کی کوشش کی لیکن اسے لڑکی کی جانب سے سخت مزاحمت کا سامنا کرنا پڑا –
رپورٹ کے مطابق لڑکی کی جانب سے مزاحمت پر نوجوان غصے میں آ گیا اور باہر واپس جا کر اپنی موٹر سائیکل سے پٹرول نکال لایا اور اسے لڑکی پر چھڑک دیا نوجوان لڑکی کو آگ لگانے کے بعد وہ وہاں سے فرار ہو گیا جس کے بعد صبح نو بجے لڑکی کو ہسپتال منتقل کیا گیا لیکن وہ زخموں کی تاب نہ لاتے ہوئے دم توڑ گئی ۔
برہنہ تصاویر بنا کر آٹھ سال تک خاتون کو بلیک میل کر کے زیادتی کرنیوالا ملزم گرفتار
بھارتی میڈیا رپورٹ کے مطابق پولیس نے واقعہ کا مقدمہ درج کرتے ہوئے فوری کارروائی کی اور گنگا پا کو گرفتار کر لیا پولیس کا کہناہے کہ گنگا پا کی اپنے ہی گاﺅں کی رہائشی لڑکی سے چھ ماہ قبل شادی ہوئی تھی جنسی درندگی کا شکار 23 سالہ لڑکی نے موت سے قبل پولیس کو اپنا بیان ریکارڈ کروا دیا تھا۔
پولیس افسر کا کہنا تھا کہ خاتون نے ا س سے قبل بھی گنگا پا کی جانب سے ہراساں کئے جانے کی شکایت کی تھی جس پر پنچایت نے دونوں خاندانوں کے درمیان سمجھوتہ کرنے کا کہا اگر پولیس کو معاملے پر پہلے ہی آگاہ کر دیا جاتا تو یہ واقعہ پیش نہ آتا ۔
