+9251
اسرائیلی وزیر اعظم نے مسلم ملک کے دورے کا اعلان کردیا
باغی ٹی وی رپورٹ کے مطابق اسرائیل کے وزیراعظم نیتن یاہو نے اعلان کیا ہے کہ وہ بہت جلد بحرین کا دورہ کریں گے۔
غیر ملکی میڈیا رپورٹس کے مطابق نیتین یاہو کا کہنا ہے کہ وہ بہت جلد بحرین کا دورہ کریں گے۔ نیتن یاہو نے کہا ہے کہ ان کی بحرین کے کراؤن پرنس سے سلمان بن حماد الخلیفہ سے ٹیلی فون پر بات چیت ہوئی ہے جو نہایت دوستانہ تھی۔بحرین کے کراؤن پرنس سلمان بن حماد آل خلیفہ اس وقت وزیراعظم بھی ہیں۔
وہ اس منصب پر بحرین کے سابق وزیر اعظم شیخ خلیفہ بن سلمان الخلیفہ کے 84 برس کی عمر میں انتقال کے بعد فائز ہوئے۔پچھلے دنوں وزیرخارجہ بحرین عبداللطیف الزیانی کی قیادت میں ایک وفد اسرائیل پہنچا۔
وفد نے وزیراعظم اسرائیل نتن یاہو سے ملاقات کی۔ اس موقع پر امریکی سکریٹری آف اسٹیٹ مائیک پومپیو بھی موجود تھے۔ تینوں رہنماؤں کی ملاقات کے دوران وزیرخارجہ بحرین نے اسرائیل پر زور دیا کہ مشرق وسطیٰ میں قیام امن کو تیز کیا جائے۔ امن کے قیام سے ہی دونوں جانب کے عوام کو فائدہ ہوگا۔
