کورونا کیسز میں تیزی آنے کے باعث مختلف ممالک میں پھر سے لاک ڈاؤن نافذ کر دیا گیا ہے-
باغی ٹی وی : تفصیلات کے مطابق کورونا وائرس میں ایک بار پھر تیزی آنے کے نعد مختلف ممالک میں لاک ڈاؤن نافذکر دیا گیا ہے جبکہ کئی ملکوں میں پہلے سے لگائے گئے لاک ڈاؤن میں توسیع کر دی گئی ہے۔
جنوبی افریقا میں کورونا کی ڈیلٹا قسم کے بڑھتے کیسز کی روک تھام کے لئے دو ہفتے کا لاک ڈاؤن لگا دیا گیا۔
جبکہ اسرائیل میں ویکسین لگوانے کے باوجود کئی افراد کورونا کی ڈیلٹا قسم میں مبتلا ہوگئے۔ ڈیلٹا قسم سے متاثر ہونے والے آدھے افراد نے فائزر ویکسین لگوائی تھی۔ اسرائیل میں دوبارہ ان ڈور ماسک پہننا لازمی قرار دے دیا گیا۔
دوسری جانب سعودی عرب میں 12 سے 18 سال کی عمر کے نو جوانوں کے لیے فائزر ویکسین کی منظوری دے دی گئی۔
واضح رہے کہ امریکی ادارے ایف ڈی اے کے مطابق 30 سال سے کم عمر کے 309 افراد کو ویکسین استعمال کرنے کے بعد اسپتال میں داخل کرنا پڑا جن میں سے 295 کو علاج کے بعد اسپتال سے ڈسچارج کر دیا گیا۔
