فلسطینی علاقہ غزہ کی پٹی میں جمعہ کے روز اسرائیلی فوج نے پرامن فلسطینی مظاہرین پر فائرنگ کر دی۔

فلسطین، اسرائیلی فوج کی ریاستی دہشت گردی، نہتے شہریوں پر حملے

مرکز اطلاعات فلسطین نے غزہ میں وزارت صحت کے حوالے سے بتایا کہ اسرائیلی فورسز نے فلسطینی مظاہروں پر اندھا دھند فائرنگ کی جس سے 70فلسطینی شہری زخمی ہو گئے۔ ان میں سے نصف تعداد بچوں کی بتائی جا رہی ہے۔

یہ مظاہرے غزہ کے مشرقی علاقوں میں ہوئے تھے جن پر اسرائیلی فوج نے طاقت کا وحشیانہ استعمال کیا۔ طبی عملے کے چار کارکنوں سمیت  درجنوں فلسطینی براہ راست گولیاں لگنے جب کہ دیگر شہری آنسوگیس کی شیلنگ سے زخمی ہوئے۔

فلسطین، اسرائیلی فوج نے آج کتنے فلسطینیوں کو گرفتار کیا

عینی شاہد نے بتایا کہ قابض اسرائیلی فوج نے جنوبی غزہ میں فلسطینی مظاہرین پر مشین گنوں، آنسوگیس کی شیلنگ اور دھاتی گولیوں کا استعمال کیا جس کے نتیجے میں خواتین اور بچوں سمیت کم سے کم 70 فلسطینی شہر زخمی ہوگئے۔

اسرائیلی فورسز کی فائرنگ سے کتنے فلسطینی زخمی ہوئے؟ اہم خبر

ذرائع نے دعوی کیا ہے کہ اسرائیلی فوجیوں نے پر امن فلسطینیوں پر مشین گنوں سے شیلنگ کی جس کے نتیجے میں متعدد فلسطینی زخمی ہوگئے۔ 26 فلسطینی براہ راست گولیاں لگنے سے زخمی ہوئے۔شدید زخمیوں کو تشویشناک حالت میں اسپتال شفٹ کر دیا گیا ہے۔

Shares: