اسرائیلی حملوں پر پوری امت مسلمہ دل گرفتہ ہے، شاہ محمود قریشی

وزیر خارجہ مخدوم شاہ محمود قریشی کی انقرہ میں واقع ترک وزارت خارجہ آمد ہوئی ، ترک وزیر خارجہ میولوت چاوش اولو نے وزیر خارجہ مخدوم شاہ محمود قریشی کا خیر مقدم کیا

دونوں وزرائے خارجہ کے مابین فلسطین میں امن و امان کی صورتحال پر تبادلہ خیال کیا گیا ، ترک وزیر خارجہ میولوت چاوش اولو نے او آئی سی کی ایگزیکٹو کمیٹی کے وزرائے خارجہ اجلاس میں وزیر خارجہ شاہ محمود قریشی کے خطاب اور پاکستان کی جانب سے مظلوم فلسطینیوں کی مسلسل اور بھرپور حمایت کو سراہا

وزیر خارجہ نے فلسطین کے معاملے پر ترک صدر رجب طیب اردوان اور ترک حکومت کے ٹھوس اور واضح موقف کی تعریف کی

وزیر خارجہ شاہ محمود قریشی نے کہا کہ غزہ میں اسرائیلی حملوں اور رمضان المبارک وعیدالفطر کے دوران فلسطین میں پرتشدد واقعات کے تسلسل سے پوری امت مسلمہ دل گرفتہ ہے،

وزیر اعظم عمران خان کی ہدایت پر ہم پاکستان میں 21 مئی کو فلسطینی بھائیوں کے ساتھ اظہار یکجہتی کیلئے "یوم یکجہتی فلسطین” کے طور پر منا رہے ہیں،

دونوں وزرائے خارجہ کی نہتے فلسطینیوں پر اسرائیلی جارحیت اور فلسطینیوں کی جبراً بے دخلی کی پر زور مذمت کی ، دونوں وزرائے خارجہ کا اسرائیلی جارحیت کے خلاف اقوام متحدہ میں مل کر آواز اُٹھانے کا فیصلہ کیا

فلسطینی بھائیوں کو تنہا نہیں چھوڑیں گے، ترک وزیر خارجہ میولوت چاوش اولو نے وزیر خارجہ مخدوم شاہ محمود قریشی اور ان کے وفد کے اعزاز میں ظہرانہ دیا