جہانگیر ترین سے پی ٹی آئی کے اراکین اسمبلی کی ملاقات

جہانگیر ترین سے پی ٹی آئی کے اراکین اسمبلی کی ملاقات
باغی ٹی وی کی رپورٹ کے مطابق تحریک انصاف کے رہنما جہانگیر ترین سے پارٹی کے اراکین اسمبلی کی ملاقاتوں کا سلسلہ جاری ہے

جھنگ سے تعلق رکھنے والے2 اراکین اسمبلی نے جہانگیر ترین سے ملاقات کی ہے۔ صاحبزاده محبوب سلطان اور امیر سلطان کی جہانگیر ترین سے ملاقات ہوئی ہے ،دونوں اراکین اسمبلی نے جہانگیر ترین کا ساتھ دینے کا اعلان کر دیا

پی ٹی آئی کے ایم پی اے عمر تنویر بٹ کی بھی جہانگیر ترین سے ملاقات ہوئی ہے،عمر تنویر کا کہنا تھا کہ جہانگیر ترین کے خلاف مشکلات کھڑی کی گئی ہیں، میری حمایت جہانگیر ترین کے ساتھ ہے ،جہانگیر ترین پی ٹی آئی کے مشکل وقت کے ساتھی ہیں،

قبل ازیں تحریک انصاف کے رہنما جہانگیر ترین نے گورنر پنجاب چودھری سرور سے ملاقات کی ہے،جس میں اہم امور پر بات چیت ہوئی ، گورنر پنجاب نے راجہ ریاض کو یقین دہانی کروائی کہ وزیراعظم سے وفد کی ملاقات کی پوری کوشش کروں گا ، آپ کے تمام تحفظات دور کئے جائیں گے، ہم ایک ہیں اور ایک ہی رہیں گے، گورنر پنجاب چوھدری سرور کا کہنا تھا کہ تحریک انصاف کی حکومت کے خلاف اپوزیشن سازشیں کر رہی ہے لیکن یہ حکومت آئینی مدت پوری کرے گی