واشنگٹن: ناسا کی جیمز ویب اسپیس ٹیلی اسکوپ نے زمین سے 15 لاکھ کلومیٹر کے فاصلے پر موجود دو نایاب ستاروں کی ایک نئی تصویر جاری کی ہے-
باغی ٹی وی : ناسا کے مطا بق زمین سے 5000 ہزار نوری سال کے فاصلے موجود ستاروں کے اس جوڑے کو ’وولف-رایٹ 140‘(WR 140) کے نام سے جانا جاتا ہے۔
دیوارمیں چُھپے 1000 سال سے زائد عرصہ پُرانے 44 سونے کے سِکے دریافت
ناسا کے جیمز ویب اسپیس ٹیلی سکوپ کی ایک نئی تصویر ایک قابل ذکر کائناتی منظر کو ظاہر کرتی ہے: ستاروں کے جوڑے سے کم از کم 17 مرتکز دھول کے حلقے نکلتے ہیں۔ زمین سے صرف 5,000 نوری سال کے فاصلے پر واقع یہ جوڑی اجتماعی طور پر وولف-رائٹ 140 کے نام سے مشہور ہے۔
ماہرین کے مطابق جب بھی یہ دونوں ستارے ایک دوسرے کے قریب آتے ہیں تو ایک دائرہ بنتا ہے۔ ستارے جو گیس خارج کرتے ہیں وہ آپس میں ٹکراتی ہیں، دوسری گیس کو دباتی ہے اور اس عمل سے گرد پیدا ہوتی ہے اور یوں گرم گرد کے ہالے نما دائرے وجود میں آتے ہیں۔
Cosmic poetry!
In this new image from @NASAWebb, at least 17 dust rings surround a star duo known as Wolf-Rayet 140. A new ring appears every eight years when the stars’ stellar winds collide. Like rings of a tree, the dust loops mark the passage of time. https://t.co/t6F0pgVno5 pic.twitter.com/t9pkXym0cg
— NASA JPL (@NASAJPL) October 12, 2022
مشتری کے برف سے ڈھکے چاند یورپا کی پہلی تفصیلی تصویر جاری
ستاروں کا مدار ان کو ہر آٹھ سال میں ایک بار ایک دوسرے کے قریب لاتا ہے اور درخت کے تنے میں پائے جانے والے چھلوں کی طرح بننے والے غبار کے یہ دائرے اس عمل کے وقوع پزیر ہونے کی تعداد کا تعین کرتے ہیں۔
نیشنل سائنس فاؤنڈیشن کی NOIRLab کے ایک ماہرِ فلکیات ریان لاؤ کے مطابق جاری کی گئی تصویر میں جاری ستاروں کے گرد و غبار کے پیداواری عمل کا ایک صدی سے زائد کا عرصہ دیکھ رہے ہیں۔
انہوں نے کہا کہ یہ تصویر یہ بھی بتاتی ہے کہ جیمز ویب اسپیس ٹیلی اسکوپ کتنی حساسیت رکھتی ہے۔ اس سے قبل زمینی ٹیلی اسکوپس سے صرف گرد کے دو چھلے دیکھے جا سکتے تھے لیکن اب کم از کم 17 چھلے دیکھے جاسکتے ہیں۔
