جاپان میں موڈرنا ویکسین لگوانے والے 2 افراد ہلاک

جاپان میں موڈرنا ویکسین لگوانے والے 2 افراد ہلاک ہو گئے-

باغی ٹی وی : غیر ملکی میڈیا کے مطابق جاپان کی وزارت صحت نے ہفتے کے روز کہا کہ موڈرنا ویکسین لگوانے والے 2 افراد ہلاک ہو گئے وزارت نے ایک ریلیز میں کہا کہ 30 کی دہائی کے مرد اس ماہ اپنی دوسری موڈرنہ خوراکیں وصول کرنے کے چند دنوں کے اندر فوت ہوگئے۔ ہر ایک نے جمعرات کو معطل تین مینوفیکچرنگ لاٹوں میں سے ایک شاٹ لیا تھا۔ موت کی وجوہات کی تحقیقات کی جا رہی ہیں۔

تاہم جاپان نے متعدد خوراکیں خراب ہونے کی رپورٹس کے بعد کورونا کی موڈرنا ویکسین کی 16 لاکھ 30 ہزار خوراکوں کا استعمال روکنے کا فیصلہ کیا۔

موڈرنا کی فروخت اور تقسیم کی انچارج ٹکیڈا کا کہنا ہے کہ اسے متعدد ویکسینیشن سینٹرز سے یہ رپورٹس ملیں کہ ویکسین کی بند بوتلوں کے اندر بیرونی اجزا پائے گئے وزارت صحت سے مشاورت کے بعد 3 کھیپوں سے ویکسین کا استعمال معطل کرنے کا فیصلہ کیا۔

برطانیہ: کورونا ٹیسٹنگ لیبارٹری کے قریب آگ بھڑک اٹھی،دھماکوں سے علاقہ گونج اٹھا ،…

ٹکیڈا کا کہنا ہے کہ وہ موڈرنا کو معاملے سے آگاہ کر چکی ہے اور ہنگامی بنیادوں پر تحقیقات کرنے کی درخواست کی ہے۔

دوسری جانب موڈرنا کمپنی نے اپنے بیان میں کہا کہ جاپان میں تقسیم ہونے والی ایک لاٹ میں خرابی رپورٹ ہوئی ہے موڈرنا نے احتیاطی طور پر ویکسین کی یہ لاٹ اور ملحقہ دو لاٹس کو روک دیا ہے

انہوں نے کہا کہ موڈرنا یقین رکھتی ہے کہ مینوفیکچرنگ کا مسئلہ اسپین میں اس کی مینوفیکچرنگ سائٹ میں موجود کئی لائنوں میں سے ایک میں پیدا ہوا ہے تاہم اب تک حفاظت یا افادیت کے مسائل کی نشاندہی نہیں ہوئی ہے۔

ادھر جاپانی حکومت کے سرفہرست ترجمان کاٹسونوبو کاٹو نے صحافیوں کو بتایا کہ ہمیں بیرونی اجزا کی وجہ سے صحت سے متعلق مسئلے کی کوئی رپورٹ موصول نہیں ہوئی ہے۔

برطانوی نیوز کاسٹر لیزا شا کی موت ایسٹرازینیکا ویکسین لگوانے سے ہوئی تفتیشی…