جاپان میں ٹرین ٹرک تصادم،30افراد زخمی

جاپان کے دوسرے بڑے شہر یوکوہاما میں ٹرین کے ٹرک کے تصادم میں 30سے زائد افراد زخمی ہو گئے۔

جاپانی میڈیا کے مطابق حادثہ جمعرات کی صبح ہواجب ٹرین پھلوں سے بھرے ٹرک سے ٹکرا گئی ۔ ٹرک کو آگ لگ گئی اور فضا سیاہ دھویں سے بھر گئی۔ ٹرین ٹوکیو کی طرف سے جا رہی تھی۔ ٹرین کی آٹھ بوگیوں میں سے کم از کم پہلی تین بوگیاں پٹری سے اتر گئیں۔

زخمی افراد کا جائے وقوعہ پر علاج کیا گیا۔ ٹرک ڈرائیور کوشدید زخمی حالت میں ملبے سے نکال کر قریبی اسپتال لے جایا گیا ، جہاں وہ تشویشناک حالت میں ہے۔

پولیس اور فائر ڈیپارٹمنٹ اس حادثے کی تحقیقات کر رہے ہیں۔ ٹرینوں کی آمدورفت بھی معطل کردی گئی ہے۔