پاکستان سمیت دنیا بھر میں پھیلنے والے کورونا وائرس کے خلاف بچاؤ کی حفاظتی تدابیر کی وجہ سے رمضان المبارک میں ہونے والے تمام گیمز شو اورٹرانسمیشن کے بارے میں چینلز کو پیمرا نے ہدایات دیں تھیں کہ تمام چینلز رمضان کریم کی ٹرانسمیشنز اور گیم شوز بغیر ناظرین کے کریں
باغی ٹی وی : پیمرا نے کورونا سے بچاؤ کی حفاظتی تدابیر کے پیش نظر تمام ٹی وی چینلز کو ہدایات دیں تھیں کہ وہ تمام رمضان ٹرانسمیشنز بغیر عوام کے کریں گے لوگ گھر بیٹھ کر شوز دیکھیں گے اور پروگرام کا عملہ اور میزبان ہی سیٹ پر موجود ہوں گے پیمرا کی ہدایات پر عمل کرتے ہوئے اور کورونا کے خلاف حفاظتی تدابیر کے تحت اے آر وائی کا معروف شو جیتو پاکستان بھی اس بار پروگرام کے میزبان فہد مصطفی سیٹ پر بغیر ناظرین کےاکیلے ہی کر رہے ہیں
گذشتہ روز فہد مصطفی کے شو جیتو پاکستان میں پاکستان شوبز انڈسٹری کے معروف اداکار ہمایوں سعید جلوہ گر ہوئے ہمایوں سعید نے ٹویٹر پر خوشی کا اظہار کرتے ہوئے کہا کہ جیتو پاکستان کا حصہ بن کر خوشی ہوئی سماجی رابطے کی ویب سائٹ ٹویٹر پر اپنے تصدیق شدہ اکاؤنٹ پر اپنی فہد مصطفی کے ساتھ شو کے دوران لی گئی تصویر شئیر کی جس میں وہ کورونا کی حفاظتی تدابیر اختیار کرتے ہوئے ہاتھ ملانے کی بجائے پاؤں ملا رہے ہیں
https://twitter.com/iamhumayunsaeed/status/1254147451688292353/photo/1
تصویر کے کیپشن میں ہمایوں سعید نے لکھا کہ آج جیتو پاکستان میں بہت فن کیا براہ راست ناظرین کے بغیر بھی شو بہت زبردست تھا۔ فہد کی توانائی کی سطح واضح طور پر ہمیشہ کی طرح ناقابل میچ ہے!
اداکار نے کہا ہم کل ہونے والے پشاور سے میچ کے منتظر ہیں اور بہت زیادہ تفریح کی امید کر رہے ہیں
ہمایوں سعید نے کہا کہ جیتو پاکستان لیگ کا حصہ بننے پر خوشی ہوئی
واضح رہے کہ پیمرا نے اپنے نوٹیفیکشن ممیں کہا تھا کہ تمام پیمرا لائسنس ہولڈر جانتے ہیں کہ پوری دنیا کو اس وقت تاریخ کے مشکل ترین حالات کا سامنا ہے جہاں ہر قوم مل کر اور انفرادی طور پر اس وبائی مرض کووڈ 19 سے مقابلہ کر رہی ہے پاکستان بھی اس میں شامل ہے چونکہ عالمی وبا سے بچاؤ کے لیے ماہرین سماجی فاصلے کی تجویز دی ہے اس لیے پیمرا کے تمام لائسنس یافتگان کو گزشتہ برس کی رمضان نشریات کے طریقہ کار پر نظر ثانی کرنے کی ضرورت ہے پیمرا نے کہا تھا کہ سحر اور افطار کے وقت حاظرین پروگرام میں شرکت نہیں کریں گے بلکی گھروں میں بیٹھ کر لائیو پروگرام دیکھیں گے کیونکہ ہجوم اس وبا کے پھیلاؤ کی وجہ بن سکتا ہے لہذا پروگرام ٹائم بس میزبان اور چینل کی ٹیم کے چند ممبران ہی موجود ہوں
کورونا وبا کے خطرات کے پیش نظر پیمرا کی تمام ٹی وی چینلز کو رمضان نشریات کے حوالے سے احکامات جاری
