جعلی پولیس مقابلے میں نوجوان کی موت، آئی جی کا ایکشن
وہاڑی میں جعلی پولیس مقابلے میں علی لیاقت نامی جوان کی ہلاکت کا معاملہ ،آئی جی پنجاب فیصل شاہکارنے سخت ایکشن لے لیا، 6 اہلکاروں پر قتل کا مقدمہ درج کروا دیا
آئی جی پنجاب کے حکم پر جعلی پولیس مقابلے میں ملوث وہاڑی پولیس کے 6 اہلکاروں کے خلاف مقدمہ درج کر لیا گیا ہے، تھانہ صدر وہاڑی کے 6 اہلکاروں نے ماچھی والا کی حدود میں جعلی مقابلے میں علی لیاقت نامی شہری کو ہلاک کیا تھا۔اہلکاروں میں اے ایس آئی یونس علی، ٹی اے ایس ائی وقاص ، کانسٹیبل ابرار ، وقار ، وقاص اور ڈرائیور آصف شامل ہیں، آئی جی پنجاب نے انتظامی غفلت برتنے اور حقائق چھپانے پر ڈی پی او وہاڑی رانا شاہد پرویز کو عہدے سے ہٹا دیا۔جعلی مقابلے کے بعد موقع پر پہنچ کر پولیس اہلکاروں کے خلاف رپورٹ نہ کرنے اور واقعہ کو چھپانے کی کوشش میں ڈی ایس پی صدر وہاڑی سعادت علی کو بھی معطل کر دیا،
اچھی نوکری کا جھانسہ دے کر غیر ملکی لڑکی سے کیا گیا گھناؤنا کام
سرگودھا سے 151 لڑکیاں بازیاب،21 قحبہ خانوں سے ملیں،ڈی پی او کا سپریم کورٹ میں بیان
معذور لڑکی کی نعش قبر سے نکال کر بیحرمتی،ملزمان گرفتار نہ ہو سکے
سات سالہ بچی سے زیادتی کا ملزم پولیس مقابلے میں ہلاک
آئی جی پنجاب نے ڈی پی او وہاڑی ، ڈی ایس پی اور 6 اہلکاروں کے خلاف انضباطی کارروائی کا حکم بھی دیا، آئی جی پنجاب فیصل شاہکار کے حکم پر ایڈیشنل آئی جی جنوبی پنجاب اور آر پی او ملتان نے اس واقعہ کی انکوائری کی تھی۔مقتول علی لیاقت کے والدین نے آئی جی پنجاب سے واقعہ کی میرٹ پر انکوائری کرانے کی اپیل کی تھی۔ آئی جی پنجاب فیصل شاہکارکا کہنا ہے کہ اختیارات سے تجاوز کرنے والوں کی پنجاب پولیس میں کوئی جگہ نہیں۔جعلی پولیس مقابلے کرنے والوں کے خلاف سخت قانونی کارروائی کی جائے گی ایسے واقعات کی روک تھام کے لیے آر پی اوز کو ذمہ داری سونپ دی گئی ہے۔ آئی جی پنجاب نے ایڈیشنل آئی جی جنوبی پنجاب کو واقعہ کی ذاتی نگرانی میں تفتیش مکمل کرانے کا حکم دیا
