جسٹس سردار طارق مسعود کے خلاف شکایت مسترد،جھوٹی ٹوئٹ کرنیوالے وکیل کیخلاف کارروائی پر غور

اسلام آباد: سپریم جوڈیشل کونسل نے متفقہ طور پر سپریم کورٹ کے سینیئر ترین جج جسٹس سردار طارق مسعود کے خلاف شکایت جھوٹ پر مبنی قرار دیتے ہوئے مسترد کر دی کہاکہ اور جھوٹی شکایت دائر کرنے پر شکایت کنندہ کے خلاف کیا کارروائی کی جائے اس معاملے پر بعد میں غور کیا جائے گا۔

باغی ٹی وی: سپریم جوڈیشل کونسل کا اجلاس کونسل کے چیئرمین چیف جسٹس جسٹس قاضی فائز عیسیٰ کی سربراہی میں ہوا جس میں سپریم جوڈیشل کونسل نے جسٹس سردار طارق مسعود کی استدعا پر جوڈیشل کونسل کی کارروائی اور کارروائی میں شکایت کنندہ مسز آمنہ ملک کے بیان حلفی ان سے کیے جانے والے سوالات اور جسٹس سردار طارق مسعود کی جانب سے پیش کیے گئے دستاویزی شواہد کو بھی رائے کے ساتھ پبلک کرنے کی ہدایت کی۔

سپریم جوڈیشل کونسل کی جاری کی گئی رائے میں کہا گیا ہے کہ شکایت کنندہ مسز آمنہ ملک کا بیان حلفی ریکارڈ کیا گیا اور ان سے سوال کیے گئے تو انہوں نے تسلیم کیا کہ فاضل جج کے خلاف شکایت نہیں بنتی تھی رائے کے مطابق جسٹس سردار طارق مسعود کو بھی نوٹس جاری کیا گیا تھا کہ وہ دستاویزی شواہد کے ساتھ پیش ہوں۔

ایون فیلڈ اورالعزیزیہ ریفرنسز میں سزاؤں کے خلاف اپیلوں کی سماعت آج ہوگی

جسٹس سردار طارق مسعود نے کونسل سے استدعا کی کہ جب کہ شکایت کنندہ نے شکایت کو جھوٹی شکایت تسلیم کر لیا ہے تو شکایت کنندہ اور اس جھوٹی شکایت کو ٹوئٹ کر کے انہیں بدنام کرنے کا اقدام کرنے والے اظہر صدیق کے خلاف کارروائی عمل میں لائی جائے کونسل کی کارروائی اور تمام دستاویزی ثبوت عوام کے سامنے رکھے جائیں۔

بجلی صارفین پر ایک اور اضافی بوجھ ڈالنے کی تیاری

سپریم کورٹ رولز اور جسٹس طارق مسعود کی استدعا کے مطابق سپریم جوڈیشل کونسل نے جسٹس طارق مسعود کی بریت کا حکم نامہ پبلک کرنے کا حکم دیا جبکہ اظہر صدیق کو 7 روز میں جواب داخل کرنے کی ہدایت کی کہ آیا انہوں نے جھوٹی شکایت ٹوئٹ کی یا نہیں اگر ایسا ہے تو کیوں نہ ان کے خلاف کارروائی عمل میں لائی جائے وہ اس ضمن میں 7 روز میں وضاحت پیش کریں۔

اسرائیل ،غزہ میں عارضی جنگ بندی کے لیے رضا مند