جناح ہاؤس حملہ سمیت تین مقدمات میں عمران کی ضمانت میں توسیع

انسداد دہشتگردی عدالت لاہور نے جناح ہاؤس حملہ،عسکری ٹاور حملہ اور تھانہ شادمان نذر آتش کرنے کے مقدمات میں عمران خان کی 3 مقدمات میں عبوری ضمانت میں 5 جولائی تک توسیع کردی

کیس کی سماعت اننسداد دہشتگردی عدالت کے ایڈمن جج خالد ارشد نے کی، تفتیشی افسر عدالت پیش نہ ہوئے، جونیئر افسر عدالت پیش ہوئے جس پر عدالت نے برہمی کا اظہار کیا،عدالت نے عسکری ٹاور حملہ کیس کے تفتیشی افسر کے پیش نہ ہونے پر قابل ضمانت وارنٹ گرفتاری جاری کر دیئے،عدالت نے عمران خان کے وکیل بیرسٹر سلمان صفدر سے دلائل طلب کر لئے،

عمران خان کی وکلا ٹیم نے عدالت سے استدعا کی کہ بیرسٹر سلمان صفدر دیگر کیسز میں مصروف ہیں مہلت دی جائے،چار مقدمات میں بانی پی ٹی آئی کی حاضری کے بغیر میرٹ پر فیصلہ ہو چکا ہے،کورٹ نمبر 3 نے چار مقدمات میں ملزم کی عبوری ضمانتیں کنفرم کی تھیں،بانی پی ٹی آئی کی جیل سے ویڈیو لنک پر حاضری مکمل نہیں ہوئی، عدالت نے ملزم عمران خان کی اڈیالہ جیل سے ویڈیو لنک پر حاضری مکمل کرانے کا حکم دے دیا،عدالت نے کیس کی سماعت ملتوی کر دی.

عمران خان جیل میں شاہانہ زندگی گزار رہے ہیں، وفاقی وزیر اطلاعات

عمران خان سے ملاقات نہ کرانے پر توہین عدالت کی درخواست، نوٹس جاری

القادر ٹرسٹ کیس، عمران خان اور بشریٰ بی بی پر فرد جرم عائد کر دی گئی