گوجرانوالہ:عیدالاضحی کے صفائی آپریشن کی کامیاب تکمیل پر جی ڈبلیو ایم سی، واسا، پی ایچ اے کا مشترکہ فلیگ مارچ

گوجرانوالہ ،باغی ٹی وی (نامہ نگار محمد رمضان نو شاہی )عیدالاضحی کے صفائی آپریشن کی کامیاب تکمیل پر جی ڈبلیو ایم سی، واسا، پی ایچ اے کا مشترکہ فلیگ مارچ کیا گیا، فلیگ مارچ کا مقصد صفائی عملہ کی خدمات اور شہریوں کے تعاون پر شکریہ ادا کرنا تھا

فلیگ مارچ کئے قیادت کمشنر نوید حیدر شیرازی، ڈپٹی کمشنر محمد طارق قریشی،ایم پی اے عمر فاروق ڈار ،سی او شاہد عباس جوتہ ،چیئرمین جی ڈبلیو ایم سی کاشف اسماعیل گجر نے کی، وزیراعلٰی کے حکم پر تمام اداروں بلخصوص جی ڈبلیو ایم سی نے شاندار کارکردگی دیکھا کر شہریوں کے دل جیت لئے

کمشنر گوجرانوالہ نوید حیدر شیرازی نے کہا کہ ہمارے اصل ہیرو سنیٹری ورکرز ہیں اور ہم سب انکی خدمات کو زبردست خراج تحسین پیش کرتے ہیں،
انتہائی شدید گرمی میں فرائض کی بجا آوری لائق تحسین ہے،حکومت پنجاب کی طرف سے اپنے ان ہیروز کا شکریہ ادا کرتے ہیں

کمشنر گوجرانوالہ نے بتایا کہ عید کے تین دنوں میں گوجرانوالہ سے 8 ہزار ٹن سے زائد آلائشیں اٹھائی گئیں ہیں، فلیگ مارچ سینٹری ورکرز کے ساتھ اظہار یکجہتی اور خراج تحسین پیش کرنے کے لیے کیا گیا ہے ، جی ڈبلیو ایم سی، واسا اور ضلعی انتظامیہ اور دیگر لوکل گورنمنٹ اداروں نے شاندار کارکردگی دکھائی ہے

ڈپٹی کمشنر گوجرانوالہ نے کہا کہ میڈیا اور عوام کے تعاون کا شکریہ ادا کرتے ہیں،

ایم پی اے عمر فاروق ڈار نے کہا کہ وزیر اعلیٰ پنجاب مریم نواز کی قیادت میں ہر شعبے میں ترقی اور بہتری آنی شروع ہو گئی ہے۔عید پر مثالی صفائی کا سہرا وزیر اعلیٰ پنجاب کو جاتا ہے ،ڈوثرنل اور ضلعی انتظامیہ اور سینٹری سٹاف نے فرائض کی بجا آوری سے ہمارے دل جیت لیے ہیں

چیئرمین جی ڈبلیو ایم سی کاشف اسماعیل نے کہا کہ میڈیا نے صفائی کے حوالے سے شعور و آگاہی کی فراہمی بڑا اہم کردار ادا کیا،سی ای او شاہد عباس زیرو ویسٹ تک صفائی آپریشن جاری رہے گا،

Leave a reply