جوتا چھپائی کي رسم دولہن والوں کومہنگی پڑگئی،سالیوں کی پٹائی پھردس لاکھ کے عوض شادی

اترپردیشن:جوتا چھپائی کي رسم دولہن والوں کو مہنگی پڑگی دولہے نے سالیوں کی پٹائی اورپھردس لاکھ روپے لينےکے بعد شادی کے لئے راضی ہوا۔

شادی میں دولہے کا جوتا چھپانے کی رسم ایک خاندان کو اس وقت مہنگی پڑ گئی جب ایک دولہے نے غصہ ميں آکر شادی سے انکار کردیا اور دلہن کي رشتہ دار خواتین کو زدو کوب بھی کیا۔ یہ واقعہ اترپردیش کے مظفر نگر ضلع کے سیسولی گاوں میں پیش آیا

یہ واقعہ اس وقت شروع ہوا جب دولہے کی ہونے والے سالیوں نے دولہے سے جوتا چھپائي کي رسم کے ليے رقم کا مطالبہ کيا دولہا جوتا واپس لوٹانے کا مطالبہ کرتا رہا لیکن اس کی ہونے والی سالیوں نے بغیر رقم ادا کئے جوتا دینے سے انکار کردیا۔ اس پر 22سالہ دولہے وویک کمار نے غصہ میں آکر اپنی ہونے والی سالیوں کو مارنا پیٹنا شروع کردیا۔

دولہا اور دولہن کے رشتہ دار دولہے کو روکنے کی کوشش کرتے رہے لیکن شدید غصہ میں دولہا نے بيچ بچاو کي کوشش کرنے والے دلہن کے ايک عمر رسيدہ رشتہ دار کو تھپڑ رسید کرتے ہوئے شادی سے انکار کردیا۔

جس پر بارات کو واپس بھیج دیا گیا۔ معاملے کو ٹھنڈا کروانے کیلئے پولیس سے مدد لینا پڑی۔ اسی دوران دلہن والوں نے دس لاکھ روپے نقد رقم بطور جہیز دینے کی پیشکش کرتے ہوئے شادی نہ توڑنے کا کہا ۔ جس کو دولہا اور اس کے رشتہ داروں نے قبول کرلیا۔

پوليس کا کہنا تھا کہ دولہا و دولہن کے رشتہ داروں نے پولیس اسٹیشن کے باہر ہی معاملہ سلجھالیا ہے۔ ہندوستان اور پاکستان میں شادی کی رسومات میں سالیاں دولہے کا جوتا چھپاتی ہیں اور پھر اس رسم کے مطابق وہ دولہے سے کچھ رقم لے کر جوتا واپس کرتی ہیں۔