ہم جلد اسٹریٹ کرمنلز اور کچے کے ڈاکوؤں کو گرفتار کرلیں گے،وزیراعلیٰ سندھ

وزیر اعلیٰ سندھ سید مراد علی شاہ نے گڑھی خدا بخش بھٹو میں میڈیا سے گفتگو کرتے ہوئے کہا ہے کہ میں آج اپنے شہید قائدیں کی حاضری دینے آیا ہوں،

وزیر اعلیٰ سندھ سید مراد علی شاہ کا کہنا تھا کہ شہیدوں کی قربانی کی وجہ سے پاکستان پیپلز پارٹی نے سب سے زیادہ ووٹ حاصل کئے ہیں، سندھ کی عوام نے جو پیپلز پارٹی اور مجھے عزت دی ہے میری کوشش ہوگی ان کی امیدوں کی تکمیل کروں، ہمارے خلاف وہ تیظیمیں احتجاج کر رہی ہیں جن کو پولنگ ایجنٹ بھی نہیں مل رہے تھے، آج میں نے امن امان سے متعلق اہم اجلاس کیا ہے، ہم جلد اسٹریٹ کرمنلز اور کچے کے ڈاکوؤں کو گرفتار کرلیں گے، ہم نے پہلے بھی کام کر کے دکھایا ہے اور اب بھی عوام کی خدمت کرینگے، سیلاب متاثرین کے علاوہ تمام بےگھر لوگوں کیلئے گھروں کا بندوبست کرینگے، ہم نے ہمیشہ عوام کی خدمت کی ہے اور کام کر کے دکھایا ہے اور دوسروں نے صرف اعلانات کئے ہیں.

دوسری جانب وزیر اعلیٰ سندھ سید مراد علی شاہ نے حضرت لعل شہباز قلندر کی درگاہ پر حاضری دی،وزیراعلیٰ سندھ نے لعل شہباز قلندر کی مزار پر پھولوں کی چادر چڑھائی اور دعا کی،وزیراعلیٰ سندھ نے لعل شہباز قلندر کے عرس کے انتظامات کا جائزہ لیا ،وزیراعلیٰ سندھ کو کمشنر اور ڈی آئی جی حیدر آبادنے بریفنگ دیتے ہوئے کہا کہ سی سی ٹی وی لگائی گئی ہیں، سی سی ٹی وی کی مدد سے عرس مبارک کے دوراں مانیٹرنگ کے لئے کنٹرول روم بنایا گیا ہے،وزیراعلیٰ سندھ سید مراد علی شاہ کا کہنا تھا کہ لعل شہباز قلندرکے عرس کے انتظامات میں سکیورٹی کے علاوہ زائرین کی سہولت کا خاص خیال رکھا جائے، وزیراعلیٰ سندھ نے افسراں کو ہدایت دی کہ زائرین کی سہولیات کے لئے پانی، واش رومز اور دیگر سہولیات کو یقینی بنائیں

وزیراعلیٰ سندھ کے سکواڈ میں شامل پولیس گاڑی کو حادثہ،ایک اہلکار جاں بحق،چھ زخمی
دوسری جانب وزیراعلیٰ سندھ مراد علی شاہ کے سکواڈ میں شامل پولیس موبائل الٹ گئی جس کے نتیجے میں ایک اہلکار جاں بحق اور 6 زخمی ہو گئے ہیں، تیز رفتاری کے سبب ائیرپورٹ روڈ پر پولیس موبائل الٹ گئی جس میں سوار 7 اہلکار زخمی ہو گئے جن میں سے ایک زخموں کی تاب نہ لاتے ہوئے چل بسا جس کی وحید سیال کے نام سے شناخت کی گئی، پولیس کی جانب سے کہا گیا کہ زخمیوں میں اے ایس آئی سمیت دیگر اہلکار زخمی ہوئے جنہیں ہسپتال منتقل کر دیا گیا۔

بلاول بھٹو کا اپنے خلاف دھاندلی کا الزام لگانے والوں کے خلاف قانونی کاروائی کا فیصلہ

میں وزیراعظم کا امیدوار نہیں،کابینہ کا حصہ نہیں البتہ وزیراعظم کوووٹ دیں گے، بلاول

نومئی جیسا واقعہ دوہرانے کی تیاری، سخت ایکشن ہو گا، محسن نقوی کی وارننگ

آر او کے دفاتر میں دھاندلی کی گئی، پولیس افسران معاون تھے،سلمان اکرم راجہ

دادا کی پوتی کے نام پر ووٹ مانگنے والے ماہابخاری کا پورا خاندان ہار گیا

پی ٹی آئی کو مرکز اور دو صوبوں میں موقع نہ دیا گیا تو حکومت نہیں چل سکتی،بابر اعوان