باغی ٹی وی کی رپورٹ کے مطابق کلبھوشن یادیو کیلئے وکیل مقررکرنے کی درخواست پرسماعت ہوئی،چیف جسٹس ہائیکورٹ اطہرمن اللہ،جسٹس گل حسن سماعت کررہے ہیں
اسلام آباد ہائیکورٹ میں اٹارنی جنرل خالد جاوید نے دلائل کا آغاز کیا،چیف جسٹس اسلام آباد ہائیکورٹ نے اٹارنی جنرل سے استفسار کیا کہ اٹارنی جنرل صاحب !کلبھوشن کیس کا پس منظر بتائیں،عدالت کویہ بھی بتائیں آرڈیننس کیوں جاری کیا گیا؟
اٹارنی جنرل نے عدالت میں بتایا کہ کلبھوشن کو 3 مارچ 2016 کو غیرقانونی طور پر پاکستان داخل ہونے پر گرفتار کیا ، کلبھوشن نے راکی ایما پردہشتگرد کارروائیوں میں ملوث ہونے کااعتراف کیا،کلبھوشن نےاعترافی بیان میں جاسوسی کابھی اعتراف کیا،
عدالت میں کیس کی سماعت جاری ہے
بھارتی ایجنٹ کلبھوشن یادیو کی سزا سے متعلق عالمی عدالت انصاف کے فیصلے پر عمل درآمد ،حکومت نے فیئر ٹرائل کے تقاضے پورے کرنے کے لیے اسلام آباد ہائیکورٹ میں درخواست دائرکی تھی
وزارت قانون و انصاف نے اسلام آباد ہائیکورٹ سے رجوع کر لیا،حکومت نے حال ہی میں جاری کیے گئے صدارتی آرڈیننس کے تحت درخواست دائر کی، اسلام آباد ہائیکورٹ میں دائر درخواست میں عدالت سے استدعا کی گئی ہے کہ قومی مفاد میں عدالت بھارتی ایجنٹ کلبھوشن یادیو کی جانب سے قانونی نمائندہ مقرر کرے،
دائر درخواست میں مزید کہا گیا کہ کلبھوشن یادیونےسزاکیخلاف اپیل سےانکارکیا، کلبھوشن بھارتی معاونت کے بغیرپاکستان میں وکیل مقررنہیں کرسکتا،بھارت بھی آرڈیننس کے تحت سہولت حاصل کرنے سے گریزاں ہے،
واضح رہے کہ بھارتی جاسوس کلبھوشن یادیو کو 3 مارچ 2018ء کو پاکستان ایران سرحدی علاقے سے گرفتار کیا گیا تھا، یہ بھارتی جاسوس بھارتی نیوی کا حاضر سروس افسر اور ”را“ کے ایجنٹ کے طور پر کام کر رہا تھا۔ کلبھوشن یادیو کی گرفتاری پر حکومت پاکستان نے بھارتی سفیر کو طلب کرکے انڈین جاسوس کے غیر قانونی طور پر پاکستان میں داخلے اور کراچی اور بلوچستان میں دہشت گردی میں ملوث ہونے پر باضابطہ احتجاج کیا۔ اس کے بعد کلبھوشن یادیو کے اعترافی بیان کی ویڈیو جاری کی گئی۔
کلبھوشن کی گرفتاری کے ایک ماہ بعد اپریل 2018ء میں اس کے خلاف دہشتگردی کی دفعات کے تحت مقدمہ درج کیا گیا، جس کے بعد پاکستان کی فوجی عدالت نے کلبھوشن یادیو کو دہشتگردی کی سرگرمیوں میں ملوث ہونے کا مجرم قرار دیتے ہوئے سزائے موت سنا دی۔
کلبھوشن یادیوتک قونصلر رسائی، بھارت مان گیا
کلبھوشن بھارتی بحریہ کا حاضر سروس افسر ہے، صدر عالمی عدالت انصاف کا اعتراف
گزشتہ برس مئی میں بھارت نے اپنے جاسوس کلبھوشن یادیو کی پھانسی رکوانے کے لیے عالمی عدالت انصاف میں درخواست دائر کی تھی۔ 15 مئی کو بھارتی درخواست پر سماعت کا آغاز ہوا،نیدرلینڈز کے شہر دی ہیگ میں قائم عالمی عدالت اںصاف نے بھارت کی درخواست پر اٹھارہ سے اکیس فروری تک اس مقدمے کی سماعت کی تھی
