اوسلو:ناروے کی حکومت نے ہفتے کے روز اعلان کیا کہ وزیر دفاع ایک کم عمر لڑکی کے ساتھ خفیہ معاشقے کی معلومات منظرعام پر آنے کے بعد عہدے سے مستعفی ہوگئے ہیں۔
باغی ٹی وی: فرانسیسی خبر رساں ادارے اے ایف پی کے مطابق وزیر دفاع اوڈ روجر ایناکسن کا اپنے سے کم عمر لڑکی کے ساتھ طویل عرصے سے معاشقہ چل رہا تھا وزیر دفاع کا عشق ایک 18 سالہ ہائی سکول کی طالبہ کے ساتھ سال 2005 میں شروع ہوا تھا جب ایناکسن خود 50 برس کے تھے جو منظر عام پر آنے کے بعد انہوں نے عہدے سے استعفیٰ دے دیا-
عراق میں 103 سالہ شخص نے 37 سالہ خاتون سے تیسری شادی کر لی
اوڈ روجر ایناکسن نے اپنے رومانوی تعلق کے حوالے سے کہا کہ انہوں نے کئی بُرے فیصلے کیے اور وہ اپنے فعل پر معافی مانگتے ہیں جن کی وجہ سے دوسروں کی زندگی مشکل ہوئی۔
ناروے کے وزیراعظم جوناس گاہر سٹور نے پریس کانفرنس سے خطاب میں بتایا کہ انہوں وزیر دفاع کا استعفیٰ قبول کرلیا ہے اور یہ ایک ضروری فیصلہ تھا ایناکسن نے عہدہ سنبھالنے سے پہلے اپنے رومانوی تعلق کے بارے میں آگاہ نہیں کیا تھا۔
ناروے کے خبررساں ادارے وی جی کے مطابق طالبہ سکول ٹرپ پر ناروے کی پارلیمنٹ کے دورے پر آئی تھیں جب ان کی ملاقات سینٹر پارٹی کے رکن ایناکسن سے ہوئی سکول ٹرپ کے بعد طالبہ اور ایناکسن کے درمیان انتہائی سنجیدہ نوعیت کا ایک رومانوی تعلق قائم ہوا مذکورہ خاتون کی عمر اب تیس سال سے زائد ہے۔
خاتون نے اخبار کو اپنے تعلق کے بارے میں بتایا کہ وہ سیاست میں دلچسپی کے باعث ایناکسن سے بہت زیادہ متاثر ہوگئی تھیں اور سیاست دان نے اپنی طاقت کا فائدہ اٹھایا سال 2006 سے 2007 کے درمیان وہ ایناکسن سے 12 مرتبہ ان کے دفتر میں ملی تھیں جب وہ وزیر توانائی تھے۔
دوسری جانب ایناکسن نے الزامات کی تردید کرتے ہوئے کہا ہے کہ رومانوی تعلق میں ان کی ایسی پوزیشن نہیں تھی کہ وہ خاتون پر اثر انداز ہوسکیں ایناکسن نے کہا کہ جب تک وہ حکومت میں تھے تب تک ان کا تعلق جنسی نوعیت کا نہیں تھا –
تاہم خاتون نے ایناکسن کے اس دعوے کی تردید کی ہے۔
