کملی کا کردار پہلے مجھے آفر ہوا تھا ماہرہ خان

اداکارہ ماہر ہ خان جو اپنی فلم قائداعظم زندہ باد کی پرموشنز کے لئے بے حد مصروف ہیں انہوں نے انہی پرموشنز کے دوران ہی ایک انٹرویو میں بتایا ہے کہ فلم کملی میں جو صبا قمر کا کردار ہے وہ انہیں پہلے آفر ہوا تھا. لیکن ان کے پاس کام کی مصروفیت اس طرح کی تھیں کہ وہ اس کےلئے ہاں نہیں‌کر سکیں. ماہرہ خان نے صبا قمر کے کام کو سراہتے ہوئے کہا کہ میں سمجھتی ہوں کہ صبا قمر سے بہتر کوئی بھی یہ کردا نہیں کر سکتا تھا . ماہرہ خان نے صبا قمر کے کام اور ان کی صلاحیتوں کی بے حد تعریف کی. انہوں نے یہ بھی کہا کہ اس فلم کو چھوڑنے کا افسوس اس لئے نہیں‌ہے کیونکہ صبا نے اس کردار کو جس انداز میں کیا ہے اس کا یقینا حق ادا ہو گیاہے. یاد رہے کہ ماہرہ خان اور سرمد کھوسٹ نے ایک ساتھ ڈرامہ سیریل ہمسفر کیا تھا.

ڈرامہ اپنے وقتوں میں‌سپر ہٹ ہوا عوامی سطح پر اتنا پسند کیا گیا کہ اس کی شہرت ملک سے نکل کر ہمسایہ ملک تک بھی جا پہنچی. اس ڈرامے نے اداکارہ ماہرہ خان کی قسمت بدل کر رکھ دی. آج ماہرہ خان پاکستان کی نمبر ون ہیروئین ہیں،. ان کی اداکاری پر بہت سارے بہت بار سوال اٹھ چکے ہیں ان کے کریڈٹ پر بہت زیادہ ہٹ فلمیں نہیں‌ہیں‌لیکن اس کے باوجود ان کے بخت کا ستارہ اتنا بلند ہے کہ وہ اس وقت پاکستان کی صف اول کی اداکارہ مانی جاتی ہیں.