متحدہ قومی موومنٹ کے رہنما کامران ٹیسوری نے گورنر سندھ کے عہدے کا حلف اٹھا لیا۔
باغی ٹی وی : سندھ ہائی کورٹ کے چیف جسٹس احمد علی ایم شیخ نے کامران ٹیسوری سے حلف لیا گورنر ہاؤس میں ہونے والی تقریب حلف برداری میں وزیر اعلیٰ سندھ مراد علی شاہ،وزیراعلی کے معاون خصوصی وقار مہدی ، صوبائی وزرا، ایم کیو ایم رہنما وسیم اختر ایڈمنسٹریٹر کراچی مرتضی وہاب ،اور خواجہ اظہار الحسن سمیت دیگر ارکان اسمبلی شریک ہوئے۔
پاکستان اسٹاک ایکسچینج میں کاروباری ہفتے کے پہلے روزکاروبار کا مثبت رجحان
تقریب حلف برداری میں تاجر رہنماؤں اور معروف شخصیات نے بھی شرکت کی تقریب میں موجود معززین نے عہدہ سنبھالنے پر کامران خان ٹیسوری کو مبارک باد دی۔
گورنر سندھ نے حلف اٹھانے کے بعد کہا کہ اپنے اوپر کئے گئے اعتماد پر پورا اترنے کی بھرپور کوشش کروں گا، ذمہ داریوں کی ادائیگی کے لئے سب کو ساتھ لے کر چلوں گا اور صوبہ کے مسائل کے حل کے لئے ہر متعلقہ فورم پر آواز اٹھاؤں گا۔
صدر مملکت ڈاکٹر عارف علوی نے گذشتہ روز آئین کے آرٹیکل 101 کی شق ایک کے تحت کامران ٹیسوری کو سندھ کا نیا گورنر تعینات کرنے منظوری دی تھی۔ گورنر سندھ کا عہدہ عمران اسماعیل کے استعفے کے بعد سے خالی تھا اور اسپیکر سندھ اسمبلی آغا سراج خان درانی بطور قائم مقام گورنر فرائض انجام دے رہے تھے-
سیلاب متاثرین کی آباد کاری تک بحالی کی سرگرمیاں جاری رہیں گی، پرویز الہیٰ
ایم کیو ایم کے ترجمان نے واضح کیا تھا کہ ایم کیو ایم پاکستان کی جانب سے پہلے مرحلے میں جو پانچ نام دیے گئے تھے ان میں کوئی پیش رفت نہ ہوسکی تھی، مشاورت سے دوسرے مرحلے میں سابق ایم این اے عبدالوسیم اور کامران ٹیسوری کے نام تجویز کرکے وفاق کو بھیجے گئے تھے۔
متحدہ قومی موومنٹ کے رہنما کامران ٹیسوری سندھ کے 34 ویں گورنر بن گئے، انہوں نے عہدے کا حلف اٹھالیا اس کے ساتھ ہی انہوں ںے ایم کیو ایم رابطہ کمیٹی کے ڈپٹی کنونئیر کے عہدے سے استعفی دے دیا۔
