کراچی: ایک اور بینک کیش وین لوٹ لی گئی، مسلح ملزمان ڈیڑھ کروڑ سے زائد رقم لے کر فرار

کراچی: ڈسٹرکٹ سینٹرل میں ایک بار پھرمسلح ملزمان نے کیش وین لوٹ لی –

باغی ٹی وی : تفصیلات کے مطابق جمعے کی شب نارتھ ناظم آباد تھانے کے علاقے نارتھ ناظم آباد بلاک بی واقع نجی بینک میں ایس اوایس نامی پرائیوٹ سیکورٹی کمپنی کے گارڈز رقم جمع کرانے پہنچے تو اس ہی دوران موٹرسائیکل سوار دو مسلح ملزمان نے دو سیکورٹی گارڈز کو گولیاں مارکر رقم سے بھرا ایک تھیلا چھین کر فرار ہوگئے مسلح ملزمان نے 8 سیکنڈ میں واردات مکمل کی اور آناً فاناً فرار ہو گئے جبکہ مزاحمت پر فائرنگ کر کے 2 سیکیورٹی گارڈز کو زخمی کردیا۔

شادی کے جھانسے میں آ کر تعلق قائم کر لیا، اب بلیک میل کیا جا رہا،سٹیج اداکارہ

واردات کی اطلاع ملنے پر پولیس رینجرز اور قانون نافذ کرنے والے اداروں کے افسران و اہلکار موقع پر پہنچ گئے اور زخمی ہونے والے گارڈز کو عباسی شہید اسپتال منتقل کردیا جہاں ان کی شناخت 45 سالہ حسن علی اور 43سالہ سبیل شاہ کے نام سے کی گئی ۔

کرسمس پر زہریلی شراب تیار ،فروخت کرنیوالوں کیخلاف کریک ڈاؤن جاری

پولیس حکام کے مطابق کیش وین تقریبا 3 کروڑ30 لاکھ روپے کی رقم بینک میں جمع کرانے پہنچی تھی اور مسلح ملزمان تقریبا ڈیڑھ کروڑ روپے سے زائد کی رقم لوٹ کر فرار ہوئے ہیں ۔

ڈی ایس پی نارتھ ناظم آباد کے مطابق ابتدائی تفتیش کے دوران کیش وین کے سیکیورٹی گارڈزکی غفلت و لاپروائی سامنے آئی ہے،جب بھی کوئی کیش وین رقم جمع کرانے آتی ہے تو نارتھ ناظم آباد بلاک بی میں واقع بینک کےعقب میں بنے کمپاؤنڈ میں چلی جاتی ہے اور کمپاؤنڈ کے دروازے بند کرکے رقم منتقل کی جاتی ہے لیکن ایسا نہیں کیا گیا اورایس او پی کی دوسری خلاف ورزی کیش وین بینک کے سامنے کھڑی کرنا تھی جبکہ وین میں سوار سیکیورٹی گارڈز بے ڈیلیوری سے پہلے وین سے اتر کر پوزیشن بھی نہیں سنبھالی کیش وین میں ہی بیٹھے رہے –

طویل مدت سے غیر حاضر 265 ملازمین فارغ

ڈیلیوری کرنے والے سیکیورٹی گارڈز وین سے اترے اور سیکیورٹی گارڈ رقم سے بھرا تھیلا بینک میں لے جانے لگا تو اس ہی دوران موٹر سائیکل پر سوار 2 مسلح ملزمان آئے اور کیش وین کے ساتھ رقم سے بھرے تھیلے کے ساتھ کھڑے ہوئے دوسرے سیکیورٹی گارڈ پر گولیاں برسادیں جس کے باعث گارڈ زخمی ہو کرگر پڑاجبکہ مسلح ملزمان نے بینک جانے والے گارڈ پر بھی گولیاں چلائیں اور آناًفاناً فرار ہو گئے ۔

انہوں نے بتایا کہ پولیس نے واردات کی سی سی ٹی وی فوٹیج اور جائے وقوع سے 30 بور پستول کے 2 خول اور دیگر شواہد اکٹھا کر کے واقعے کی تفتیش شروع کردی ہے ۔

لاہور: لڑکیوں سے اجتماعی زیادتی کا ڈراپ سین

واردات کی سی سی ٹی وی کے مطابق شام 6 بجکر 58 منٹ پر ایک موٹر سائیکل پر سوار دو ڈاکو عین اس وقت کیش وین کے سامنے رکے جب ایک گارڈ رقم کا تھیلہ لے بینک جارہا تھا جبکہ دوسرا گارڈ رقم کا ایک اور تھیلہ لے کر وین کے ساتھ کھڑا تھا۔

ایک ڈاکو نےموٹر سائیکل سے اترتے ہی پہلے کیش وین کے ساتھ کھڑے گارڈ کو گولی ماری اور پھر دوسرے گارڈ کو نشانہ بنایا آناً فاناً ڈکیتی کی اس واردات میں فائرنگ کرنے والا ڈاکو رقم کا ایک تھیلہ لے کر موٹر سائیکل پر بیٹھا اور دونوں باآسانی فرار ہوگئے۔

ڈی آئی خان : پولیس مقابلے میں دہشت گرد ہلاک ، 2 عام شہری جاں بحق

ایس ایس پی سینٹرل غلام مرتضی تبسم کے مطابق پولیس کو معلوم ہوا کہ ملزمان ایک کروڑ 80لاکھ روپے لوٹ کر فرارہوئے لیکن ایس او ایس سیکیورٹی کمپنی کے گارڈ کنفرم نہیں کررہے ہیں اس حوالے سے مزید جانچ کا عمل جاری ہے ۔

یاد رہے کہ چند ماہ قبل بفرزون میں بھی ملزمان کیش وین لوٹ کر فرارہوگئے تھے۔ ملزمان نے دن دیہاڑے دو سکیورٹی گارڈکو ہلاک اورایک کو زخمی کردیا تھا اور رقم لوٹ کر فرار ہوگئے ۔ تاحال انویسٹی گیشن پولیس ان ملزمان کو بھی گرفتار نہیں کرسکی۔

سانحہ سیالکوٹ،سری لنکن باشندے کو قتل کرنے کے مقدمے میں اہم پیشرفت