محکمہ موسمیات نے کراچی سمیت سندھ بھر میں شدید گرمی کی لہر کی پیشگوئی کرتے ہوئے کہا ہے کہ ملک بھر میں 30 اپریل تک ہیٹ ویو کا امکان ہے۔
باغی ٹی وی کے مطابق ترجمان محکمہ موسمیات انجم نذیر نے کہا ہے کہ اس شدید گرمی کے سبب سانس لینے میں دشواری کا سامنا ہو سکتا ہے، خصوصاً سندھ کے اکثر علاقوں میں، جہاں درجہ حرارت 48 سے 49 ڈگری سینٹی گریڈ تک پہنچنے کی توقع ہے۔ اس دوران درجہ حرارت اوسط سے 3 سے 4 ڈگری زیادہ محسوس ہو گا۔محکمہ موسمیات نے خبردار کیا ہے کہ ہفتہ، اتوار اور پیر کو سندھ میں ہیٹ ویو اپنے عروج پر ہو گی۔
کراچی کے بارے میں بتایا گیا کہ شہر میں ہیٹ ویو کی صورتحال نہیں ہو گی، تاہم یہاں نمی کا تناسب زیادہ رہے گا، جس کی وجہ سے محسوس ہونے والا درجہ حرارت معمول سے زیادہ ہو گا۔ موسمیاتی تبدیلیوں کے باعث پاکستان کا موسم تیزی سے تبدیل ہو رہا ہے، جس کے نتیجے میں سردیوں کا موسم کم اور گرمیوں کا موسم طویل ہوتا جا رہا ہے۔
محکمہ موسمیات نے عوام کو احتیاطی تدابیر اختیار کرنے کی ہدایت کی ہے اور بتایا ہے کہ اس دوران پانی کا زیادہ استعمال اور دھوپ سے بچاؤ ضروری ہو گا تاکہ صحت کے مسائل سے بچا جا سکے۔
اسحاق ڈار کا سعودی ہم منصب سے اہم رابطہ، علاقائی صورتحال پر تبادلہ خیال
پہلگام فالس فلیگ پر سچ بولنے کی سزا، بھارتی مسلمان رکن اسمبلی گرفتار
سندھو دریا ہمارا ہے یا اس دریا میں ہمارا پانی بہے گا یا تمہارا خون ,بلاول بھٹو زرداری
بھارتی آبی جارحیت اور پاکستان کا دو ٹوک جواب ،تحریر:شاہد نسیم چوہدری
