کراچی جلسہ، پی پی ن لیگ کے "بھائی چارے "‌ کی منفرد مثالیں سامنے آنے لگیں

کراچی جلسہ پی پی ن لیگ کے "بھائی چارے "‌ کی منفرد مثالیں سامنے آنے لگیں

باغی ٹی وی رپورٹ کے مطابق، کراچی میں‌ پی ڈی ایم کے ہونے جلسے میں‌ پی پی ن لیگ کے بھائی چارے کی انوکھی مثالیں دیکھنے کو مل رہی ہیں. پیپلز پارٹی جو کہ کراچی جلسے کی میزبانی کر رہی ہے . کراچی بھر میں پی پی پی کے مونو گرام اور جھنڈے کے ساتھ میاں نواز شریف ، شہباز شریف اور مریم نواز کی تصویریں آویزاں کردی گئی ہیں. اس سے قبل گوجرانوالہ جلسے میں‌بھی بلاول بھٹو شہباز شریف کی تعریف کرتے ہوئے رطب اللسان رہے.

باغ جناح میں 160 فٹ طویل اور 60 فٹ چوڑا اسٹیج تیار کر لیا گیا۔ جلسہ کے مقام پر پیپلز پارٹی، جے یو آئی، ن لیگ، اے این پی کے کارکن پرجوش دکھائی دیتے ہیں۔

مختلف شہروں سے سیاسی رہنماوں کی آمد کا سلسلہ جاری ہے، مسلم لیگ ن کی رہنما مریم نواز آج کراچی پہنچ رہی ہیں،وہ کراچی پہنچتے ہی مزار قائد پر حاضری دیں گی جس کے بعد ریلی کے ساتھ باغ جناح گرائونڈ پہنچیں گی۔پی ڈی ایم کے سربراہ مولانا فضل الرحمان گزشتہ شام کراچی پہنچ ، قمرالزماں کائرہ سمیت دیگر اپوزیشن رہنما بھی آج دوپہر کراچی پہنچیں گے۔

شہر میں جلسے کے باعث پولیس کی جانب سے سیکورٹی پلان جاری کر دیا گیا، تین ہٹی سے نمائش کی جانب عام شہریوں کو جانے کی اجازت نہیں ہو گی۔ شارع قائدین سے ٹریفک کو نورانی سگنل سے آگے جانے کی اجازت نہیں ہے۔ شہری نیو ٹاؤن اور طارق روڈ کا راستہ اختیار کرسکیں گے، ٹریفک پولیس کا کہنا ہے کہ ضلع وسطی سے آنے والے شرکاء گرومندر کی جانب سے جلسہ گاہ جاسکیں گے