کراچی کے مختلف مقامات پر ٹریفک بحال کیا جارہا ہے۔

کراچی: گزشتہ روز مذہبی جماعت کے مظاہروں کی وجہ سے بند ہونے والی ہائی ویز اور موٹر ویز کھولنے کا سلسلہ جاری ہے، کراچی میں تمام سڑکیں کھول دی گئیں۔ تفصیلات کے مطابق گزشتہ روز مذہبی جماعت کے مظاہروں کی وجہ سے بند ہونے والے راستےکھولے جارہے ہیں، صوبہ سندھ کے دارالحکومت کراچی کے مختلف مقامات پر ٹریفک بحال کیا جارہا ہے۔ ایس ایس پی ملیر کا کہنا ہے کہ اسٹار گیٹ کو ٹریفک کے لیے کھول دیا گیا ہے جبکہ آئی آئی چندریگر روڈ کو بھی ٹریفک کے لیے کھول دیا گیا۔ ان کے مطابق حسن اسکوائر پر بھی ٹریفک کی روانی بحال کردی گئی ہے۔