فتح چھینی نہیں جاتی:عطا کی جاتی ہے :بابراعظم کی قیادت میں کراچی کنگزکومسلسل 5ویں شکست

لاہور:فتح چھینی نہیں جاتی بلکہ اللہ کی طرف سے عطا کی جاتی ہے:بابراعظم کی قیادت میں کراچی کنگزکومسلسل 5ویں شکست،اطلاعات کے مطابق پاکستان سپر لیگ (پی ایس ایل) کے ساتویں ایڈیشن کے میچ میں اسلام آباد یونائیٹڈ نے42 رنز سے فتح سمیٹ لی اور کراچی کنگز کو مسلسل پانچویں شکست کا سامنا کرنا پڑا ہے۔

کراچی کے نیشنل سٹیڈیم میں پی ایس ایل 7 کا پہلا مرحلہ جاری ہے ، ایونٹ کے 14ویں میچ میں اسلام آباد یونائیٹڈ کے کپتان شاداب خان نے ٹاس جیت کر کراچی کنگز کے قائد بابر اعظم کو فیلڈنگ کی دعوت دی تھی۔

کراچی کنگز اننگز

178 رنز ہدف کے تعاقب میں کراچی کنگز کی جانب سے کپتان بابر اعظم اور شرجیل خان نے اننگز کا آغاز کیا، تاہم شرجیل خان 6 اور کپتان بابر اعظم صرف 8 رنز بناکر پویلین لوٹ گئے، صاحبزادہ فرحان نے 25 رنز بنائے ، مگر وہ رن آؤٹ ہوکر واپس لوٹ گئے، آئن کوکبین 2، عماد وسیم 9 اور لوئس گریگوری 15 سکور بناکر وکٹ گنوا بیٹھے۔

اسلام آباد یونائیٹڈ کی جانب سے کپتان شاداب خان نے 4، حسن علی، وقاص مقصود اور محمد وسیم جونیئر نے 1،1 کھلاڑی کو آؤٹ کیا۔کراچی کنگز کی ٹیم مقررہ 20 اوورز میں بھی ہدف حاصل کرنے میں ناکام رہی۔

اسلام آباد یونائیٹڈ اننگز

کراچی کنگز کے خلاف یونائیٹد کی جانب سے پال سٹرلنگ اور الیکس ہیلز نے اننگز کا آغاز کیا۔

پہلے بیٹنگ کرتے ہوئے اسلام آباد یونائیٹڈ نے مقررہ 20 اوورز میں 6 وکٹ کے نقصان پر177 رنز بنائے، پال سٹرلنگ 39، الیکس ہیلز 30، کپتان شاداب خان 29 اور آصف علی 10 ،اعظم خان 16 اور کولن منرو 33 رنز بنا کر پویلین لوٹے، کراچی کنگز کے عماد وسیم، عثمان شنواری، محمد نبی اور عمید آصف نے ایک، ایک وکٹ اپنے نام کی جبکہ کرس جورڈن نے 2 کھلاڑیوں کو آؤٹ کیا۔

Shaddy has won the toss for @IsbUnited and elected to bat. @KarachiKingsARY are bowling first. What are your score predictions? #HBLPSL7 l #LevelHai l #KKvIU pic.twitter.com/XrVBJLMzDU

— PakistanSuperLeague (@thePSLt20) February 6, 2022

کراچی کنگز سکواڈ

اسلام آباد یونائیٹڈ کے خلاف کراچی کنگز کے سکواڈ میں کپتان بابر اعظم، شرجیل خان، آئن کوکبین، محمد نبی، صاحبزادہ فرحان، لوئس گریگوری، عماد وسیم، کرس جورڈن، عمید آصف، محمد طہٰ خان اور عثمان شنواری شامل ہیں۔

اسلام آباد یونائیٹڈ سکواڈ

کراچی کنگز کے خلاف اسلام آباد یونائیٹڈ کے سکواڈ میں کپتان شاداب خان ، الیکس ہیلز، پال سٹرلنگ، کولن منرو، آصف علی، اعظم خان، مبصر خان، فہیم اشرف، محمد وسیم جونیئر، حسن علی اور وقاص مقصود شامل ہیں۔

یہ بھی یاد رہے کہ فتح کا تعلق شخصیات ، رعب اور قوت سے نہیں بلکہ کامیابی ہمیشہ عاجزی اور انکساری میں ہوتی ہے اور یہ اللہ کے فضل کے سوا ممکن نہیں‌، اس موقع پر سمجھ لینا ضروری ہے کہ اگر ٹیم بابر اعظم کی وجہ سے جیتتی رہی توبابراعظم کی قیادت میں اب بھی کراچی کنگز کو جیتنا چاہیے تھا ، لیکن ایسا نہیں ہے ،دوسرا اس میں یہ بھی پیغام ہے کہ وہ جو یہ سمجھتے ہیں کہ بس جیت میری وجہ سے ہے آج ان کو یہ نظریہ بدل لینا چاہیے کہ جیت کا تعلق فرد اورشخصیات سے نہیں ، بلکہ یہ اللہ کی رحمت ہے جو کسی کے بھی حصے میں آسکتی ہے