کراچی: خاتون سمیت 7 مسلح ملزمان گھر سے 56 لاکھ روپے نقد، 28 تولہ سونا،4 موبائل فونزلوٹ کر فرار

کراچی کے علاقے قائدآباد کے توحید محلہ میں گھر میں ڈکیتی کی واردات ہوئی جس میں خاتون سمیت 7 مسلح ملزمان گھر سے 56 لاکھ روپے نقد اور 28 تولہ سونا،4 موبائل فونز لوٹ کر فرار ہوگئے۔

باغی ٹی وی : پولیس کے مطابق گھر میں ڈکیتی تین روز قبل ہوئی تھی واردات کا مقدمہ قائد آباد تھانے میں درج کرلیا گیا ہے۔

اداروں کیخلاف پروپیگنڈہ کے ماسٹر مائنڈ ،اے آر وائی کے عماد یوسف کراچی سے گرفتار

مقدمے کے متن کے مطابق گزشتہ روز صبح سویرے خاتون نے دروازہ کھٹکھٹایا اور 6 مسلح ملزمان گھر میں داخل ہوئے، ڈاکوؤں نے والدہ کی تجوری سے 33 لاکھ روپے نقد،3لاکھ روپے کے برائز بانڈ لوٹ لیے جبکہ والدہ سے ساڑھے 5 تولہ سونا اور لائسنس یافتہ پستول بھی لے گئے۔

اس کے علاوہ ملزمان دوسری منزل پر بھائی سے ساڑھے 4 تولہ سونا،لائسنس یافتہ پستول لے گئے جبکہ ٹاپ فلور پر الماری سے ملزمان نے 23 لاکھ روپے نقد لوٹے اور اہلیہ کا 7 تولہ،بھانجی کا 6 تولہ اور بہن کے 5 تولے کے طلائی زیورات لوٹ کر لے گئے۔

کراچی: پولیس افسران بھی ڈاکوؤں کے نشانے پر، اسسٹنٹ کمشنر کو اسلحے کے زور پر لُوٹ…

مقدمے کے متن میں کہا گیا ہے کہ ملزمان گھر سے 4 مہنگے موبائل بھی لے گئے جبکہ ڈکیتی کرنے کے بعد خاتون سمیت ساتوں ملزمان سفید رنگ کی کار میں فرار ہوگئے۔

دوسری جانب کراچی کے علاقے لیاری کھڈا مارکیٹ میں فائرنگ ہوئی ریسکیو ذرائع کے مطابق فائرنگ سے ایک شخص جاں بحق ہو گیا جبکہ نارتھ ناظم آباد بلاک آر گھر میں کرنٹ لگنے سے ایک شخص جاں بحق ہوا جاں بحق شخص کو جنریٹر چلاتے ہوئے کرنٹ لگا-

شبقدر پولیس کی فحاشی پھیلانے والے عناصر کے خلاف بھر پور کاروائی

قبل ازیں کراچی کے علاقے بہادر آباد میں اسسٹنٹ کمشنر فیروز آباد اسما بتول کو اسلحے کے زور پر لوٹ لیا گیا تھا ہ اسسٹنٹ کمشنر فیروزآباد اسما بتول فیملی کے ہمراہ ناشتہ کرنے آئی تھیں کہ واپسی پر ملزمان نے اسلحہ دکھا کر موبائل فون اور پیسے چھین لیے اور فرار ہو گئے۔ واقعے کے وقت اسسٹنٹ کمشنر اسما بتول کے ساتھ سکیورٹی اہلکار موجود نہیں تھے-