کراچی :مچھلیوں کی دکانیں ختم کرنے کا حکم:اب کہاں سے لیں گے مچھلی لوگ سوچنے لگے

کراچی:کراچی :حسن اسکوائر سے مچھلیوں کی دکانیں ختم کرنے کا حکم:اب کہاں سے لیں گے مچھلی لوگ سوچنے لگے ،اطلاعات کے مطابق سندھ ہائی کورٹ نے حسن اسکوائر کے اطراف فلیٹس میں گیراج اور فٹ پاتھ پر مچھلیوں کی دکانیں کھولنے کے خلاف درخواست پر اینٹی انکروچمنٹ سیل، ایس بی سی اے کو فوری کارروائی کا حکم دیدیا۔

جمعہ کوسندھ ہائیکورٹ میں حسن اسکوائر کےاطراف فلیٹس میں گیراج اور فٹ پاتھ پر مچھلیوں کی دکانیں کھولنےکےخلاف درخواست پر سماعت ہوئی۔درخواستگزار کے وکیل نے موقف دیا کہ حسن اسکوائر یونیورسٹی روڑ پر فٹ پاتھ پر مچھلیوں کے اسٹال لگا دیئے گئے ہیں۔سندھ ہائی کورٹ میں دائر درخواست میں‌ یہ بھی موقف اختیار کیا گیا کہ سروس روڑ اورفٹ پاتھ عام لوگوں کے لیے بند کردی گئی۔ حسن اسکوائر کے اطراف فلیٹس کے اندر گیراج تک چل رہے ہیں۔ حسن اسکوائر فلیٹس کے اندر گیراج کھول لیے گئے ہیں۔

پولیس حکام نے تصدیق کرتے ہوئے اپنی رپورٹ میں بتایا گیا کہ گیراج کے خلاف کارروائی متعلقہ حکام کی ذمہ داری ہے۔ عدالت نے اینٹی انکروچمنٹ سیل اور ایس بی سی اے کو فوری کارروائی کا حکم دیدیا۔

یاد رہے کہ اس سے قبل سندھ ہائی کورٹ نے نارتھ ناظم آباد میں پورشن بنانے کیخلاف درخواست پر ڈی جی سندھ بلڈنگ کنٹرول اتھارٹی و دیگر کو نوٹس جاری کرتے ہوئے بلڈر کو فوری تعمیرات روکنے کا حکم تھا۔

ہائیکورٹ میں نارتھ ناظم آباد میں پورشن بنانے کیخلاف درخواست کی سماعت ہوئی۔ درخواستگزار کے وکیل وحید حسین ایڈوکیٹ نے موقف دیا کہ پلاٹ نمبر 66 بلاک سی میں رہائشی پلاٹ پر پورشن بنائے جا رہے ہیں۔

پورشن سے علاقہ مکینوں کے حقوق متاثر ہوں گے۔ علاقہ مکینوں کو سیوریج، پارکنگ سمیت دیگر مسائل کا سامنا ہوگا۔درخواست گزار کے وکیل وحید حسین ایڈوکیٹ نے عدالت سے استدعا کی کہ بلڈرز کو تعمیرات روکنے اور ایس بی سی اے کو کارروائی کی ہدایت دی جائے۔