کراچی: گلشن معمار میں کشیدگی، پی ٹی آئی ایم پی اے گرفتار

کراچی :کراچی کے علاقے گلشن معمار میں دو سیاسی جماعتوں میں تصادم کے بعد پولیس نے تحریک انصاف کے ایم پی اے رابستان خان کوحراست میں لے لیا ہے۔اطلاعات کے مطابق پولیس نے رابستان خان کو گلشن معمار تھانے منتقل کردیا جبکہ تصادم میں زخمی ہونے والے نامزد یوسی چئیرمین ہلال سعید اسپتال منتقل کردیا۔

کراچی میں بلدیاتی انتخابات کےدوران نامعلوم افراد کی انٹری؛4 الیکشن کیمپ نذر آتش

دوسری طرف پی ٹی آئی نے الزام لگایا ہے کہ ہمارے کارکن پر تشدد کیا گیا ہے ، اس حوالے سے کراچی میں بلدیاتی انتخابات کے دوسرے مرحلے میں ووٹنگ کا عمل جاری ہے جس میں بیشتر مقامات پر ناخوشگوار واقعات رونما ہو رہے ہیں، ایسے ہی ایک واقعہ میں پی ٹی آئی نے الزام عائد کیا ہے کہ پیپلز پارٹی کے کارکنان نے ان کے پولنگ ایجنٹ کو تشدد کا نشانہ بنایا ہے۔

الیکشن کمیشن نے سیاسی جماعتوں کےغیر ذمہ دارانہ بیانات کا نوٹس لے لیا

پاکستان تحریک انصاف (پی ٹی آئی) ذرائع کے مطابق یہ واقعہ نارتھ ناظم آباد میں یوسی 3 شہید سرور سکول میں پیش آیا ہے، پولنگ ایجنٹ اسامہ کو دھاندلی روکنے کی کوشش پر تشدد کا نشانہ بنایا گیا۔

پنجاب میں عمران خان سےمشورہ کرکے نگراں وزیراعلیٰ کے نام دیں گے:پرویز الٰہی

خیال رہے کہ کراچی اور حیدر آباد میں بلدياتی اليکشن کیلئے پولنگ کا وقت ختم ہونے کے بعد ووٹوں کی گنتی جاری ہے اور مختلف حلقوں سے غیر حتمی اور غیر سرکاری نتائج آنے کا سلسلہ بھی جاری ہے۔

کراچی اور حیدرآباد ڈویژنز کے 16اضلاع میں 8 بجے صبح شروع ہونے والی پولنگ شام 5 بجے تک بغیر کسی وقفہ جاری رہی۔بلدیاتی انتخابات میٹروپولیٹن کارپوریشن، میونسپل کارپوریشن، ٹاؤن میونسپل کمیٹیوں، ضلع کونسلوں، یونین کونسلوں اور وارڈز کی نشستوں پرہوئے۔

کراچی میں کسی بھی جماعت کو میئر منتخب کرنے کيلئے سادہ اکثریت یعنی 124 یوسیز پر کامیابی حاصل کرنا ہوگی۔