پاکستانتازہ ترین

کراچی:مسجد میں شادی کی تقریب :بیحرمتی کی انتہا:مسجد انتظامیہ کا سخت نوٹس

4 سال قبل
4 سال قبل

کراچی:کراچی:مسجد میں شادی کی تقریب :بیحرمتی کی انتہا:مسجد انتظامیہ کا سخت نوٹس،اطلاعات کے مطابق کراچی کے علاقے ڈی ایچ اے کی ایک مسجد میں شادی کی تقریب کا انعقاد اس مسجد کی بیحرمتی کا سبب بن گیا جس پرسخت ردعمل جاری ہے

ذرائع کے مطابق مسجد سکینہ سلطان جوکہ ڈی ایچ اے میں واقعہ ہے ایک شادی کی تقریب منعقد ہوئی جس میں شرکا نے مسجد کا تقدس پامال کرتے ہوئے وہاں ہوٹنگ ، مذاق اور اونچی اونچی آوازسے اسی سرگرمیاں سرانجام دیں کہ جس سے مسجد کا تقدس واقعی پامال ہوگیا

 

 

ادھر اس حوالے سے مسجد انتظامیہ نے اس تقریب کا حصہ بننے والے مسجد ملازمین کونوکری سے فارغ کردیا ہے اورساتھ ہی یہ درخواست کی ہے کہ سوشل میڈیا پرجو لوگ اپنی انا کی خاطرمسجد انتظامیہ کے فیصلے پرتنقید کررہے ہیں وہ اپنے اس عمل پرنظرثانی کریں مسجد کے معاملے میں غلط یانی یا پراپیگنڈہ نہ کیا جائے

 

 

دوسری طرف مسجد انتظآمیہ نے بیحرمتی کرنے والے افراد کا ڈیٹا پولیس کو دے دیا ہے اورکاروائی کی ہدایت کی ہے

 

 

یاد رہےکہ اس سے پہلے لاہور کی مسجد وزیرخان میں بھی ایسی ہی بیحرمتی کی گئی تھی ، جب اداکارہ صبا قمر اور بلال سعید کے گانے کی ویڈیو وائرل ہوئی تھی ۔

یاد رہے کہ گانے کی عکس بندی تاریخی مسجد وزیرخان میں کی گئی ہے جس میں مسجد کے تقدس کوپامال کیا گیا ۔

خیال رہے کہ تاریخی مسجد وزیرخان میں گانے کی ریکارڈنگ کی ویڈیو وائرل ہونے پر جہاں سماجی اورمذہبی حلقوں کی طرف سے اس اقدام کی شدیدمذمت کی گئی وہیں صوبائی وزیراوقاف نے مسجد وزیرخان گانے کی عکس بندی کانوٹس لیتے ہوئے سیکرٹری اوقاف کو متعلقہ اہل کاروں کومعطل کرنے کا حکم دیاتھا ۔

مسجد میں گانے کی عکس بندی کی ویڈیوسوشل میڈیا پروائرل ہونے کے بعد مذہبی حلقوں کی طرف سے اس اقدام کی سخت مذمت کی گئی

Shares:

مزید خبریں