کربلا میں لینڈ سلائیڈنگ، ایک خاتون سمیت 4 افراد جاں بحق

عراق کے شہر کربلا میں لینڈ سلائیڈنگ سے ایک خاتون سمیت 4 افراد جاں بحق ہو گئے ہیں۔

باغی ٹی وی : غیر ملکی خبر رساں ادارے "دی گارجین” کے مطابق ریسکیو اہلکاروں نے ملبے تلے دبے ہوئے 3 بچوں سمیت 8 افراد کو بچا لیا ہے-

ترکی میں دو مختلف حادثات میں 35 افراد ہلاک

عراقی حکام کے مطابق ملبے تلے اب بھی 6 سے 8 افراد کے دبے ہونے کا امکان ہے جبکہ ملبے تلے دبے ہوئے افراد کو نکالنے کیلئے امدادی کارروائیاں جاری ہیں۔

محکمہ شہری دفاع کے ترجمان نے بتایا کہ لینڈ سلائیڈنگ کا واقعہ عراقی شہر کربلا کے قریب حضرت علیؓ سے منسوب ایک مزار ’’قطارۃ الامام علی‘‘ کے مقام پر پیش آیا لینڈسلائیڈنگ کی وجہ سے ریت اور پتھر مزار کے اوپر گرے جس کی وجہ سے مزارکا 30 فیصد حصہ منہدم ہو گیا ہے جس کی پیمائش تقریباً 100 مربع میٹر ہے۔