ورلڈ ہیڈر ایڈ

’’کشمیر‘‘ گوگل میں سب سے زیادہ سرچ کیاجانے والا لفظ بن گیا۔

لاہور : دنیاکے سب سے بڑے سرچ انجن ’’ گوگل‘‘پر گزشتہ ماہ میں کشمیرکوخوب سرچ کیا گیا۔اس سے پہلے ایساکبھی نہیں ہوا جب اقوام عالم نے کشمیرکواتنی توجہ دی ہو۔5 اگست کو کشمیرکی خصوصی حیثیت ختم کرنے کے بعد جہاں دنیابھرمیں تشویش کی لہردوڑ گئی وہاں کشمیرکے مسئلہ پر دنیا بھر میں بڑی دلچسپی دکھائی گئی ، کشمیر گوگل میں ٹاپ ٹریند کیوں بنا اس کی ایک وجہ مقبوضہ کشمیرمیں مواصلاتی نظام کی بندش، انٹرنیٹ، موبائل سروسز، لینڈ لائن سروسز اوردیگرمواصلاتی نظام کوبندکرنا بھی ہے۔

گوگل ریسرچر کی رپورٹ کے مطابق بھارت کی طرف سے آرٹیکل 370کی منسوخی کے بعد صرف پاکستان ہی نہیں بلکہ دنیابھرکے لوگوں نے سب سے زیادہ کشمیرکوسرچ کیااوراس کے بارے میں جاننے کی کوشش کی۔ اس سے پہلے پلوامہ حملے کے بعدبھی لوگوں نے کشمیرکوخوب سرچ کیاتھا لیکن 5 اگست کوکشمیرکی خصوصی حیثیت ختم ہونے کے بعدکشمیرکوفروری کے مقابلے میں 3 گنازیادہ سرچ کیاگیا۔

ذرائع کے مطابق دنیابھر کے لوگوں نے کشمیرکے جھنڈے، کشمیرکی حفاظت اورکشمیرکے حوالے سے معلومات کوبھی بڑے پیمانے پرسرچ کیا۔ کشمیرمیں لگی پابندیاں خاص طورپرانٹرنیٹ اورفون سروسزکے بند ہونے کے باعث دنیامیں یہ تجسس پایاجاتاہے کہ وہاں کیاحالات چل رہے ہیں۔ یہی وجہ ہے کہ گوگل پرکشمیرٹاپ پرسرچ کیاجارہاہے۔

جواب چھوڑیں

آپ کا ای میل ایڈریس شائع نہیں کیا جائے گا.