کشمیریوں کے ساتھ کھڑا ہونا جہاد ہے، مودی کی فاشسٹ‌ حکومت کو ہر فورم پر بے نقاب کریں گے، عمران خان

وزیراعظم عمران خان نے کہا ہے کہ کشمیری قوم اپنے پاکستانی بھائیوں کی طرف دیکھ رہی ہے، کشمیریوں کے ساتھ کھڑا ہونا جہاد ہے، 80 لاکھ کشمیریوں کو مودی سرکار نے کرفیو میں بند کر رکھا ہے، ہم اللہ رب العزت کی خوشنودی کیلئے مظلوم کشمیری بھائیوں کا ساتھ دے رہے ہیں، دنیا ساتھ دے یا نہ دے، ہم اپنے کشمیری بھائیوں کیساتھ ہیں، ہم ہر فورم پر مودی سرکار کی فاشسٹ حکومت کو بے نقاب کریں گے،

عمران خان نے دنیا کے سب حکمرانوں کو پیچھے چھوڑ دیا

باغی ٹی وی کی رپورٹ‌ کے مطابق وزیر اعظم عمران خان اتوار کے دن سات روزہ دورہ امریکہ کے بعد وطن واپس پہنچ گئے ہیں، اس موقع پر تحریک انصاف کی جانب سے شاندار استقبال کی تیاریاں کی گئی تھیں، وزیراعظم براستہ جدہ وطن واپس پہنچے، اس سے پہلے وزیراعظم عمران خان کی آمد پراسلام آباد کو استقبالہ بینرز سے سجا دیا گیا تھا، وزیراعظم کی آمد پر اسلام آباد میں استقبالیہ کیمپ بھی لگائے گئے، وفاقی وزیرمرادسعید،رہنماپی ٹی آئی بابراعوان اورنعیم الحق ایئرپورٹ پرموجود تھے،

کپتان کی آمد ، اسلام آباد استقبالہ بینرز سے سج گیا

وزیراعظم عمران خان کا ایئرپورٹ پر خطاب کرتے ہوئے کہنا تھا کہ کشمیریوں پر ظلم کرنے والی فاشسٹ حکومت کو دنیا کے ہر فورم پر بے نقاب کریں گے، قوم کی دعاؤں سے مسئلہ کشمیر جنرل اسمبلی میں اٹھایا ہے، وزیراعظم عمران خان نے اپنے مشن کشمیر کی کامیابی کیلئے عوام اور خاص طور پر اپنی اہلیہ بشریٰ بی بی کا خاص طور پر شکریہ ادا کیا اور کہا کہ انہوں نے میرے لیے بہت زیادہ دعائیں کیں جس پر میں ان کا شکر گزار ہوں،

وزیراعظم عمران خان کا کہنا تھا کہ جدوجہد اونچ نیچ کا نام ہے، مشکل وقت میں مایوس نہیں ہونا، کوشش انسان کی ہوتی ہے، کامیابی اللہ تعالیٰ دیتا ہے، وہ وقت ان شاء اللہ قریب ہے کہ جب کشمیر کے لوگ آزادی حاصل کریں گے،

دنیا